કોરોના વાયરસને લઈને PM મોદીએ મુખ્યમંત્રીઓની બેઠક બોલાવી અને તેમાં પેટ્રોલ મુદ્દે આપી દીધું મોટું નિવેદન
મુખ્યમંત્રીઓની બેઠકમાં જ PM મોદીએ છેડ્યો પેટ્રોલનો મુદ્દો
વેટ ન ઘટાડતી સરકારોને ઉદાહરણ આપીને ઉઘાડા પાડયા
હું આવી સરકારોને આગ્રહ કરું છું કે વેટ ઘટાડો: PM મોદી
કોરોના વાયરસને લઈને આજે પ્રધાનમંત્રી મોદીએ તમામ રાજ્યોના મુખ્યમંત્રીઓની બેઠક બોલાવી હતી જેમાં તેમણે પેટ્રોલ અને ડીઝલનો મુદ્દો છેડી દીધો અને વિપક્ષી રાજ્યોને બરાબરની સંભળાવી.
પેટ્રોલ ડીઝલનો મુદ્દો PM મોદીએ ઉઠાવ્યો
PM મોદીએ અર્થતંત્રનો મુદ્દો છેડ્યો અને કહ્યું કે અર્થતંત્રને લઈને પણ દેશમાં કેન્દ્ર અને રાજ્ય વચ્ચે તાલમેલની ખૂબ જરૂર છે. દેશવાસીઓ પર પેટ્રોલ અને ડીઝલનો બોઝ ઓછો કરવા માટે કેન્દ્ર સરકારે નવેમ્બર મહિનામાં એક્સાઈઝ ડ્યૂટી ઓછી કરી નાંખી હતી અને રાજ્યોને આગ્રહ કર્યો હતો કે તે પણ ટેક્સ ઓછો કરે પણ કેટલાક રાજ્યોએ પોતાની પ્રજાને લાભ આપ્યો નથી. આ તો એક પ્રકારે બહુ મોટો અન્યાય છે.
ગુજરાતનું આપ્યું ઉદાહરણ
જે રાજ્યોએ ટેક્સમાં કાપ મૂક્યો છે તેમને પૈસામાં કાપ થાય છે, જેમકે ગુજરાતે ટેક્સ ઓછો ન કર્યો હોત તો 3થી 4 હજાર કરોડ રૂપિયાનું રાજસ્વ મળ્યું હોત પણ ગુજરાતે નાગરિકોને રાહત આપી. ગુજરાત અને કર્ણાટકના જ પડોશી રાજ્યએ ટેક્સ કાપ્યું નહીં અને વધારાના રાજસ્વ એટલે કે પૈસા ભેગા કર્યા.
રાજ્યોના નામ લઈને કરી ટકોર
PM મોદીએ નામ લઈને કહ્યું કે છ મહિના પહેલા મહારાષ્ટ્ર, બંગાળ, તેલંગાણા, આંધ્ર પ્રદેશ, તમિલનાડુ, ઝારખંડ જેવા રાજ્યોએ વેટ ઘટાડયો નહીં અને પ્રજા પરેશાન થતી રહી. પણ હવે હું પ્રાર્થના કરું છું કે તમે તમારા રાજ્યના નાગરિકોને વેટ ઓછો કરીને પ્રજાને લાભ આપો. આ મારી પ્રાર્થના છે કે તમે બધા પોતપોતાના રાજ્યમાં વેટ ઘટાડો અને દેશવાસીઓના હિતમાં સર્વોચ્ચ પ્રાથમિકતા આપો.
મુખ્યમંત્રીઓને આપી સલાહ
અંતમાં PM મોદીએ કહ્યું કે વાંધો નહીં હવે છ મહિના લેટ થઈ ગયું છે, આ છ મહિનામાં તમારી સરકારે જે કમાણી કરી તે તમારા રાજ્યને કામમાં આવશે પણ હવે મારી અપીલ છે કે વેટ ઘટાડો: