પ્રધાનમંત્રી નરેન્દ્ર મોદીએ આજે મધ્ય પ્રદેશમાં પ્રધાનમંત્રી આવાસ યોજના (ગ્રામીણ) હેઠળ બનેલા 1.75 લાખ ઘરોના 'ગૃહ પ્રવેશ કાર્યક્રમ'નું ઉધ્ધાટન કર્યું હતું. આ સાથે જ પીએમ મોદીએ કહ્યું કે પહેલા ગરીબ સરકારની પાછળ દોડતા હતા, હવે સરકાર લોકોની પાસે જઇ રહી છે.
1.75 લાખ ઘરોના 'ગૃહ પ્રવેશ કાર્યક્રમ'નું ઉધ્ધાટન કર્યું
પહેલાં ગરીબ પાછળ-પાછળ દોડતો હતો પરંતુ હવે સરકાર...
હવે કોઇની ઇચ્છા અનુસાર યાદીમાં નામ કમી અથવા જોડી દેવાતું નથી. પસંદગીને લઇને નિર્માણ સુધી પારદર્શિકતાથી કામ કરવામાં આવી રહ્યું છે. ઘરની ડિઝાઇન પણ સ્થાનિક જરૂરિયાત મુજબ તૈયાર કરવામાં આવી રહ્યું છે.
45 થી 60 દિવસમાં એક ઘર બનાવીને તૈયાર કરવામાં આવ્યું
PM મોદીએ કહ્યું, સામાન્ય રીતે પ્રધાનમંત્રી આવાસ યોજના હેઠળ એક ઘર બનાવવા માટે અંદાજે 125 દિવસનો સમય લાગે છે. કોરોનાના આ કાળમાં PM આવાસ યોજના હેઠળ ઘરો માત્ર 45 થી 60 દિવસમાં જ બનાવીને તૈયાર કરી દેવામાં આવ્યાં છે. આફતને અવસરમાં બદલવાનું આ ઉત્તમ ઉદાહરણ છે. આ તેજીમાં સૌથી મોટુ યોગદાન રહ્યું શહેરમાંથી પરત ફરેલા શ્રમિક સાથીઓનું.
પીએમ મોદીએ પાઠવી શુભકામનાઓ
પીએમ મોદીએ પોતાના સંબોધન કહ્યું કે, 'હવે મધ્ય પ્રદેશના પોણા 2 લાખ એવા પરિવાર, જે આપણા ઘરમાં પ્રવેશ કરી રહ્યાં છે, જેમનો ગૃહ-પ્રવેશ થઇ રહ્યો છે, તેમને પણ હું શુભેચ્છા પાઠવું છું, શુભકામના આપુ છું'
PM મોદીએ કહ્યું કે આ વખતે તમારા બધાની દિવાળી, તમારા બધાના તહેવારોની ખુશી કંઇક અલગ હશે. કોરોના કાળ ન હોત તો આજે તમારા જીવનની આટલી મોટી ખુશીમાં સામેલ થા માટે, તમારા ઘરના એક સભ્ય, તમારા પ્રધાનસેવક તમારી વચ્ચે હોત.