ત્યારે ગાર્ડ તેમને દંડો મારીને બીજી ઠેકાણે બેસવાનું જણાવ્યું
માંડવિયાએ જણાવ્યું કે થોડા દિવસ પહેલા હું દિલ્હીની સફદરગંજ હોસ્પિટલમાં સામાન્ય માણસ બનીને નિરિક્ષણ કરવા ગયો. ત્યાં મને એક ગાર્ડે ડંડો મારી દીધો.
માંડવિયાએ આગળ જણાવ્યું કે મારી હોસ્પિટલની મુલાકાત દરમિયાન જ્યારે હું ત્યાંના બાકડા પર બેસવો ગયો ત્યારે મને એક સુરક્ષા ગાર્ડે ઠપકો આપ્યો અને મને ડંડો પણ માર્યો. ત્યાર બાદ ગાર્ડે મને અહીંથી ચાલ્યા જવાનું પણ કીધું હતું.
સામાન્ય વ્યક્તિને બનીને પહોંચેલા મંત્રીને ગાર્ડ ન ઓળખી શક્યો
મીડિયા રિપોર્ટ અનુસાર કેન્દ્રીય મંત્રીએ ડોક્ટરોને જણાવ્યું કે મારા નિરિક્ષણ દરમિયાન હોસ્પિટલમાં ઘણી બધી અસુવિધાઓ જોવા મળી છે. સફદરગંજની હોસ્પિટલમાં પુરતી સુવિધાઓ નથી. દર્દીઓ સ્ટ્રેચર માટે પણ અહીંથી તહી ધક્કા ખાવા પડે છે. એક 75 વર્ષીય મહિલાનું ઉદાહરણ આપતા તેમણે કહ્યું કે તે તેમના પુત્ર માટે સ્ટ્રેચર માટે આજીજી કરી હતી. તેમ છતાં પણ તેને સ્ટ્રેચર અપાયું નહોતું. ગાર્ડના વ્યવહારથી દુખી મેં હોસ્પિટલ પ્રશાસનને પૂછ્યું કે હોસ્પિટલમાં 1500 કરતા પણ વધારે ગાર્ડ તહેનાત હોવા છતાં પણ તેમણે એક વૃદ્ધ મહિલાની શા માટે મદદ ન કરી.
પ્રધાનમંત્રીને ઘટનાની જાણકારી આપી
માંડવિયાએ કહ્યું કે મેં દિલ્હી પાછા આવીને આ સમગ્ર ઘટનાની જાણકારી પ્રધાનમંત્રી મોદીને આપી. મારી વાત સાંભળીને પ્રધાનમંત્રીને પણ ભારે નવાઈ લાગી. પ્રધાનમંત્રીએ મને કહ્યું કે ગાર્ડને બરખાસ્ત કરાયો કે નહીં. મેં પ્રધાનમંત્રીને જવાબ આપ્યો કે હું એક કોઈ વ્યક્તિને નહીં પણ આખી વ્યવસ્થાને સુધારવા માગું છું.