ફીચર / WhatsApp લાવ્યું નવું ફીચર, હવે યુઝર્સનો ફોટોઝ અને વીડિયો જોવાનો એક્સપીરિયન્સ બદલાઈ જશે

• WhatsApp યુઝર્સ માટે સારાં સમાચાર
• WhatsApp લાવ્યું નવું ફીચર
• હવે સાઈઝમાં મોટા દેખાશે ફોટોઝ અને વીડિયો

કંપનીએ આ ફીચરની જાણકારી ટ્વિટ કરીને આપી છે, સાથે નવું ફીચર કઈ રીતે દેખાશે, તેનું ઉદાહરણ પણ આપ્યું છે. હકીકતમાં અત્યાર સુધી વોટ્સએપ પર જ્યારે કોઈ ફોટો મોકલવામાં આવતો હતો તો તેનું પ્રીવ્યૂ વર્ગાકાર શેપમાં જોવા મળતું હતું. એટલે કે ફોટો લાંબો છે તો પ્રીવ્યૂમાં તે કપાતો હતો. ફોટાને આખો જોવા માટે તેને ઓપન કરવો પડતો હતો. પરંતુ હવે તમે ફોટો ડાઉનલોડ કર્યા બાદ ખોલ્યા વગર પણ જોઈ શકશો. તસવીર જે સાઇઝની હશે તેનું પ્રીવ્યૂ પણ તેવું જજોવા મળશે. 

Photos and videos in WhatsApp are now even bigger, so no one will be left out of the picture! That's the perfect reason to smile 😄 pic.twitter.com/2lzG5jLTKz

— WhatsApp (@WhatsApp) April 30, 2021

ફોટો સિવાય આ ફીચર વીડિયો માટે પણ જારી કરવામાં આવ્યું છે. આ વોટ્સએપમાં ખૂબ મોટો ફેરફાર નથી, પરંતુ કામનો જરૂર છે. વોટ્સએપે આ ફીચરને iOS યુઝર્સ માટે ગયા મહિને એપ સ્ટોરમાં અપડેટ વર્ઝન  2.21.71ની સાથે રજૂ કર્યો હતો. એવું લાગે છે કે આ સુવિધા બધાં વોટ્સએપ યુઝર્સ માટે ઉપલબ્ધ થઈ ગઈ છે. 

Twitter પણ આ ફીચર પર કામ કરી રહ્યું છે 

હાલમાં ટ્વિટરે પણ ટાઇમલાઇન પર ફુલ વ્યૂ ફોટોનું ટેસ્ટિંગ શરૂ કરી દીધું છે. હાલ ટ્વિટર પર પોસ્ટ કરવામાં આવેલી તસવીર અડધી જોવા મળે છે. યુઝર્સે આખી તસવીર જોવા માટે ટ્વિટ પર ટેપ કરવું પડે છે. નવા ફીચર બાદ જેવો ફોટો ટ્વિટ કંપોઝ કરતા સમયે દેખાશે, તેવી પોસ્ટ થયા બાદ જ જોવા મળશે.