સરકારે કોરોના વાયરસ મહામારીમાં નોકરીયાત લોકોને મોટી રાહત આપી છે. એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (EPFO)એ જણાવ્યું કે, કોવિડ-19ના પ્રકોપને કારણે ક્લેમ ફાઈલ કરવા માટે ઈપીએફ મેમ્બરે કોઈ પ્રમાણપત્ર અથવા દસ્તાવેજ જમા કરાવવાની જરૂર નથી. સરકારના આ નિર્ણયથી પૈસાની જરૂર પડતાં તમે સરળતાથી પૈસા ઉપાડી શકો છો. તમને જણાવી દઈએ કે, કોરોના સંકટમાં ઈપીએફ મેમ્બરને પીએફમાંથી 3 મહિનાની સેલરી જેટલી રકમ કાઢવાની છૂટ આપી હતી.
EPFOએ ટ્વિટ કરીને આ જાણકારી આપી છે. EPFOએ ટ્વિટમાં જણાવ્યું કે, મહામારી કોવિડ-19ના પ્રકોપને કારણે પૈસાની જરૂર પડતાં ક્લેમ ફાઈલ કરવા માટે ઈપીએફ મેમ્બરને કોઈ પ્રમાણપત્ર અથવા દસ્તાવેજની જરૂર પડશે નહીં.
ઇપીએફઓ પીએફ ટ્રાન્સફર કરવા માટે ઓનલાઇન સુવિધા પણ પૂરી પાડે છે. જોકે, યુનિવર્સલ એકાઉન્ટ નંબર (યુએએન) આવ્યા પછી કર્મચારીના બધાં ખાતા એક જગ્યાએ રહે છે, પરંતુ પૈસા જુદા જુદા ખાતામાં રહે છે. જેથી એ મહત્વનું નવી કંપની સાથે તમે તમારો યુએએન નંબર શેર કરો. ત્યારબાદ તમારા નવા ખાતામાં જૂના ખાતાના પૈસા ટ્રાન્સફર કરી લો. આ પ્રક્રિયા ઓનલાઇન કરવા માટે આ સ્ટેપ્સ ફોલો કરવા પ઼ડશે.
સૌથી પહેલાં EPFOના યૂનાઈટેડ મેમ્બર પોર્ટલ https://unifiedportal-mem.epfindia.gov.in/memberinterface/ પર જાઓ. અહીં યૂનિવર્સલ એકાઉન્ટ નંબર (UAN) અને પાસવર્ડથી લોગઈન કરો.
ત્યારબાદ ઓનલાઈન સર્વિસ પર જઈ ત્યાં Member-One EPF Account Transfer Request ઓપ્શન પર ક્લિક કરો.
ત્યારબાદ વર્તમાન અપોઈનમેન્ટની પર્સનલ જાણકારી અને પીએફ એકાઉન્ટને વેરિફાઈ કરો.
ત્યારબાદ Get Details ઓપ્શન પર ક્લિક કરો. હવે જૂની અપોઈનમેન્ટની પીએફ એકાઉન્ટ ડિટેલ સ્ક્રીન પર આવી જશે.
હવે તમારા ઓનલાઈન ક્લેક ફોર્મને અટેસ્ટ કરવા માટે જૂના એમ્પ્લોયર અને નવા એમ્પ્લોયરમાંથી કોઈ એકને પસંદ કરવાનો વિકલ્પ હશે. તમે આને ઓથોરાઈઝ્ડ સિગ્નેટરી હોલ્ડિંગ DSCની ઉપલબ્ધતાના આધાર પર સિલેક્ટ કરો. બંનેમાંથી કોઈપણ એમ્પ્લોયરને પસંદ કરી મેમ્બર આઈડી અથવા યુએએન નંબર આપો.
છેલ્લે Get OTP ઓપ્શન પર ક્લિક કરો. તમારા રજિસ્ટર્ડ મોબાઈલ નંબર પર ઓટીપી આવી જશે. પછી તે ઓટીપી ભરીને સબમિટ કરો.