ખાસ વાંચો / ગુજરાતમાં આ સ્થળે મફતમાં મળશે પેટ્રોલ, શરત બસ આટલી જ..

• 'નીરજ' નામ ધરાવતા લોકો મળે છે લાભ
• નીરજ નામ લાઈમ લાઈટમાં આવ્યું 
• પેટ્રોલ પંપ મળે છે વિના મુલ્યે પેટ્રોલ 

ભારતની ઑલિમ્પિકમાં ટ્રેક એન્ડ ફિલ્ડમાં જવેલીન થ્રોમાં ભારતને પ્રથમ ગોલ્ડ મેળવી આપનાર નીરજ ચોપડાની ચારે તરફ ચર્ચા થઈ રહી છે જે બાદ ટોક્યો ઓલિમ્પિકમાં પ્રથમ ગોલ્ડ મેડલ જીતનાર ભારતીય ખેલાડી નીરજ ચોપરા પર પુરસ્કારોનો વરસાદ વરસી રહ્યો છે. દેશ અને દુનિયામાં 'નિરજ' નામ એવું ઉભરીને આવ્યું છે કે સૌ કોઈમાં નવી આશા જગાવી રહ્યું છે.

નીરજ નામ લાઈમ લાઈટમાં આવ્યું 

નીરચ ચોપડાએ ભારતનું પ્રતિનિધિત્વ કરતા ભારતને ગોલ્ડ મેડલ અપાવ્યો છે જે બાદ જે-તે રાજ્યની સરકાર પણ નીરજને સંમાનિત કરી રહી છે પરતું નીરજ નામે દરેક શહેર અને તાલુકામાં ચર્ચાઈ રહ્યું  છે તેનું કારણે એ છે કે જે પણ કોઈ નીરજ નામ ધરાવતું હોય તેને આ ખાસ રાહત મળી રહી છે.  જેને કારણે નીરજ નામ લાઈમ લાઈટમાં આવ્યું છે.

જૂનાગઢ રોપ-વે ફ્રી રાઈડનો લાભ 

ઓલમ્પિક 2020 ટોક્યો ખાતે નીરજ ચોપડાની શાનદાર જીત બાદ જૂનાગઢ રોપ-વે ઓથોરિટી દ્વારા એક જાહેરાત કરાઈ છે. જે વ્યક્તિનું નામ નીરજ હશે. તેમને રોપ-વે પર ફ્રી બેસવા મળશે. મહત્વનું છે કે, ઓલમ્પિક ગોલ્ડ મેડલ વિજેતા નીરજ ચોપડાની જીત અને દેશના ગર્વને ઉજવણી કરવાની આ અનોખી રીત છે. નીરજ નામ આજે સૌ કોઈ જાણ છે. જેથી તેમના નામ સાથે જ આ યોજના જૂનાગઢ રોપ-વે દ્વારા જાહેર કરાઈ છે. નીરજ નામના વ્યક્તિ 20 ઓગસ્ટ સુધી ફ્રી રાઈડનો લાભ મેળવી શકશે.


નીરજ નામ ધરાવનારને મળે છે આ લાભ 

ત્યારે બીજી તરફ  નેત્રંગ એસ. પી.પેટ્રોલ પંપ દ્વારા અનોખી ઊજવણી કરવામાં આવી છે,ટોક્યો ઓલિમ્પિકમાં  નીરજ ચોપરાએ ભાલા ફેંકની સ્પર્ધામાં સુવર્ણ ચંદ્રક જીતી ભારતનું નામ રોશન કર્યુ હતું. જેની ઉજવણી લોકો અલગ અલગ રીતે કરી રહ્યા છે. નેત્રંગ ખાતે SP પેટ્રોલ પંપે ટોક્યો ઓલિમ્પિકમાં નીરજે ગોલ્ડ જીતતા શહેરના તમામ ‘નીરજ’ નામના વ્યક્તિઓને 501 રૂપિયાનું પેટ્રોલ ફ્રી માં આપી રહ્યા છે. 

આ નામ વાળાઓને ફ્રીમાં મળી રહ્યું છે પેટ્રોલ

નેત્રંગ એસ.પી.પેટ્રોલ પંપ વતી નીરજ ચોપડાના સન્માનમાં ફૂલ આપી 501 રૂપિયાનું પેટ્રોલ ફ્રી આપવાની જાહેરાતના પગલે આ ઘટના ટોક ઓફ ધ ટાઉન બની હતી. જયારે નીરજ નામના યુવાનોએ પેટ્રોલ પંપ પર લાઈનો લગાવી હતી. આ જાહેરાતનો લાભ સોમવારે સાંજે 5 વાગ્યા સુધી લઈ શકાશે. લોકોએ પણ આ ઉજવણીને વધાવી હતી.
 

મહિન્દ્રા ગ્રુપના ચેરમેન આનંદ મહિન્દ્રા મહેરબાન 

મહિન્દ્રા ગ્રુપના ચેરમેન આનંદ મહિન્દ્રાએ પણ કંપનીની આગામી SUV XUV700 ને ભાલા ફેંક સ્પર્ધામાં દેશના સુવર્ણ ચંદ્રક વિજેતા નીરજ ચોપરાને ભેટ આપવાનું વચન આપ્યું છે. ટ્વિટર પર તેના એક ફોલોઅર્સે મહિન્દ્રાને નીરજ ચોપરાને XUV700 ભેટ આપવા કહ્યું. જેના માટે મહિન્દ્રા ગ્રુપના ચેરમેન આનંદ મહિન્દ્રાએ લખ્યું, "હા બિલકુલ. અમારા ગોલ્ડન એથ્લીટને XUV700 ની ભેટ આપવી એ અમારા માટે લહાવો અને સન્માન હશે. ”

હરિયાણા સરકારની મોટી જાહેરાત 

ઓલિમ્પિકની ભાલા ફેંક રમતમાં ભારતને ગોલ્ડ મેડલ અપાવનાર નીરજ ચોપડા માટે હરિયાણા સરકારે 6 કરોડની રકમ, ક્લાસ-1 અધિકારીની નોકરી સહિતના બીજા ઈનામોની જાહેરાત કરી છે. આ સિવાય તેમના ગામમાં એક એથ્લેટિક કોમ્પલેક્ષ ખોલવામાં આવશે જેનાં વડા તરીકે નિરજની નિમણૂક કરવામાં આવશે.

મણિપુર સરકારની મોટી જાહેરાત 

આ સિવાય મણિપુર સરકારે પણ નિરજને એક કરોડ રૂપિયા ઈનામ આપવાની જાહેરાત કરી દીધી હતી. 

BCCI પણ આપશે ઈનામ 

આ સાથે ભારતીય ક્રિકેટ કંટ્રોલ બોર્ડે પણ મોટી જાહેરાત કરી દીધી હતી. તેમણે પણ નિરજને એક કરોડ રૂપિયા ઇનામની જાહેરાત કરી દીધી હતી. 
 

ગો ફર્સ્ટ અને સ્ટાર એર ખેલાડીઓને મફત મુસાફરી 

ગો ફર્સ્ટ અને સ્ટાર એર રવિવારે એવી જાહેરાત કરી કે ઓલિમ્પિકમાં મેડલ મેળવનાર 6 ખેલાડીઓ દેશ-વિદેશમાં પાંચ વર્ષ સુધી ગો ફર્સ્ટની એરલાઈનમાં મફત મુસાફરી કરી શકશે. કંપનીએ કહ્યું કે કંપની 6  ખેલાડીઓને પાંચ વર્ષ સુધી દેશ-વિદેશની યાત્રા માટે ફ્રી ટિકિટ આપશે. રિજિનલ કેરિયર સ્ટાર એરે પણ જણાવ્યું કે દેશના 13 શહેરોને જોડતી તેની એરલાઈનન્સમાં 6 ખેલાડીઓ આજીવન મફત મુસાફરી કરી શકશે. 

કરોડો રૂપિયાના ઇનામની જાહેરાત 

ભારતને ઑલિમ્પિકમાં ઐતિહાસિક ગોલ્ડ મેડલ અપાવનાર નીરજ ચોપડા પર ચારે તરફથી ઇનામોની વર્ષા થઈ રહી છે. ભારતના બિઝનેસમેન અને વિવિધ રાજ્યોની સરકારો દ્વારા કરોડો રૂપિયાના ઇનામની જાહેરાત કરવામાં આવી છે.