પેટ્રોલ ડિઝલના ભાવમાં આજે ફરી વધારો જોવા મળ્યો છે. રાજ્યમાં પેટ્રોલ-ડિઝલના ભાવમાં આજે પ્રતિ લિટર 30થી 40 પૈસાનો વધારો થયો છે. જો કે આ ભાવ વધારા પાછળ સાઉદી અરબના હુમલાને જવાબદાર જોવામાં આવી રહ્યું છે.
પેટ્રોલ અને ડીઝલમાં 30થી 40 પૈસાનો વધારો
છેલ્લા 10 દિવસમાં પેટ્રોલ-ડીઝલમાં 2 રૂપિયાનો વધારો
સઉદી આરબમાં હુમલાની અસર ભારતમાં જોવા મળી
અમદાવાદમાં પેટ્રોલ-ડિઝલના ભાવમાં થયો વધારો
પેટ્રોલ-ડિઝલની કિંમતમાં 30થી 40 પૈસાનો વધારો થયો છે. જેને લઇને અમદાવાદમાં પેટ્રોલનો ભાવ પ્રતિ લિટર 70 રૂપિયા 56 પૈસા પહોંચ્યો છે. જ્યારે ડીઝલનો ભાવ વધીને 69 રૂપિયા 46 પૈસા પ્રતિ લિટર થયો છે. આમ પેટ્રોલ-ડિઝલના ભાવમાં છેલ્લા 10 દિવસમાં બે રૂપિયાનો વધારો થયો છે.
ભારતમાં આ કારણથી પેટ્રોલ-ડિઝલની કિંમતમાં થયો વધારો
ભારતમાં છેલ્લા અઠવાડીયા ઉપરથી પેટ્રોલ-ડિઝલની કિંમતમાં આંશિક રીતે વધતાં અંદાજે બે રૂપિયા સુધીનો વધારો થયો છે. જો કે આ પાછળ સાઉદી અરબમાં થયેલા હુમલાને લઇને અસર થઇ છે. સાઉદી અરબમાં પેટ્રોલ-ડિઝલનું ઉત્પાદન ઘટતા ભારતમાં પેટ્રોલ-ડિઝલના ભાવમાં વધારો થયો છે.
આગામી દિવસોમાં હજી પણ વધી શકે છે ભાવ
સાઉદી અરબના તેલ પ્લાન્ટ પર થયેલા હુમલા બાદ ક્રૂડ ઓઇલની કિંમતોમાં લાગેલી આગ વિશ્વને દઝાડે તેવું લાગી રહ્યું છે. એક અહેવાલ મુજબ વૈશ્વિક બજારમાં ક્રૂડ ઓઇલની કિંમતમાં અંદાજે 19 ટકા કરતાં વધારે ઉછાળો થયો છે. જો કે 1991ના ખાડી યુદ્ધ બાદ ક્રૂડ ઓઇલમાં થયેલો આ સૌથી મોટો ઉછાળો છે. જેના કારણે ભારતમાં પેટ્રોલ-ડીઝલની કિંમતોએ ચિંતા વધારી છે.