ઓફિસમાં ફ્રી સમયે લોકો ટાઇમપાસ માટે મોબાઈલમાં કઈ ને કઈ કરતા હોય છે પરંતુ એક રીપોર્ટ મુજબ ઘણા કર્મચારી ઓફીસ સમય દરમિયાન પોર્ન જોવે છે.
લોકો ઓફીસના સમયે જોવે છે પોર્ન
ઘણા લોકો કામના તણાવ દુર કરવા પોર્ન જોવે છે
સર્વેમાં ઘણો ખુલાસો કરવામાં આવ્યો
ઓફિસમાં કામ કરતી વખતે મોટાભાગના લોકો વચ્ચે બ્રેક લેતા હોય છે. આ દરમિયાન ઘણા લોકો થોડું વૉક કરે છે, જ્યારે કેટલાક લોકો સોશિયલ મીડિયાનો ઉપયોગ કરે છે, તો કેટલાક લોકો એવા છે જેઓ આ બ્રેક ટાઈમમાં શોપિંગ સાઇટ્સ પર કંઈક ને કંઈક સર્ચ કરે છે. પરંતુ શું લોકો ઓફિસ સમય દરમિયાન પણ પોર્ન જોતા હોય છે?
લોકો ઓફિસમાં જોવે છે પોર્ન
ઓફિસમાં પોર્ન જોવું એ શરમજનક માનવામાં આવે છે પરંતુ એડલ્ટ કન્ટેન્ટ પ્લેટફોર્મ, સાયબર સિક્યુરિટી અને મનોવૈજ્ઞાનિકો માને છે કે કામ કરતી વખતે પોર્ન જોવું એકદમ સામાન્ય છે. આ અંગે થયેલા એક રિસર્ચમાં સામે આવ્યું છે કે કામ કરતી વખતે પોર્ન જોવું એ લોકો જેટલું સામાન્ય સમજે છે તેટલું સામાન્ય નથી. ડિજિટલ લાઇફસ્ટાઇલ મેગેઝિન 'સુગરકુકી' માટે કરવામાં આવેલા વૈશ્વિક સર્વેમાં બહાર આવ્યું છે કે 60 ટકાથી વધુ લોકોએ સ્વીકાર્યું છે કે તેઓ ઓફિસમાં કામ કરતી વખતે પોર્ન જોતા હતા. વર્ષ 2020 માં સિક્યોરિટી ફર્મ કેસ્પરસ્કી દ્વારા હાથ ધરવામાં આવેલા સર્વે અનુસાર, ઘરેથી કામ કરતા અડધાથી વધુ કર્મચારીઓએ સ્વીકાર્યું કે તેઓ કમ્પ્યુટર અથવા મોબાઇલ ફોન પર એડલ્ટ કન્ટેન્ટ જોવામાં અચકાતા નથી. વર્ષ 2021 માં વિશ્વની સૌથી મોટી પોર્ન સાઇટ, પોર્નહબ માટે હાથ ધરવામાં આવેલા વૈશ્વિક અભ્યાસમાં સમર્થન આપ્યું છે કે લોકો કામના કલાકો દરમિયાન પોર્નોગ્રાફી જુએ છે. આંકડા અનુસાર, મોટાભાગના લોકો રાત્રે 10 વાગ્યાથી 1 વાગ્યા સુધી પોર્નોગ્રાફી જુએ છે. તે જ સમયે ડેટામાં પણ બહાર આવ્યું છે કે ઘણા લોકો એવા છે જે સાંજે 4 વાગ્યે પણ પોર્નોગ્રાફી જુએ છે, જ્યારે ઓફિસનો સમય પૂરો થવાનો હોય છે.
સંસદમાં પણ કિસ્સો જોવા મળ્યો હતો
કામ દરમિયાન પોર્નોગ્રાફી જોવાના ઘણા કિસ્સાઓ સામે આવતા રહે છે. થોડા સમય પહેલા બ્રિટનમાં આવો જ એક કિસ્સો પ્રકાશમાં આવ્યો હતો જ્યાં એક સાંસદ નીલ પેરિશ સંસદ ભવનમાં બેસીને પોર્નોગ્રાફી જોતા પકડાયા હતા. આવો જ એક કિસ્સો ભારતમાં પણ નોંધાયો હતો જ્યાં કર્ણાટક વિધાનસભામાં ત્રણ મંત્રીઓ મોબાઈલ ફોન પર પોર્નોગ્રાફી જોતા પકડાયા હતા. આવી સ્થિતિમાં સવાલ એ થાય છે કે ઓફિસમાં પોર્ન જોવા પર સખત પ્રતિબંધ હોવા છતાં લોકો આવું કેમ કરે છે? આવો જાણીએ તેના વિશે
મનોવૈજ્ઞાનિકે કર્યું સંશોધન
મનોવૈજ્ઞાનિક સંશોધનમાં સામે આવ્યું છે કે ઓફિસમાં પોર્નોગ્રાફી જોવાનું સૌથી મોટું કારણ એ છે કે લોકો કામ દરમિયાન કંટાળો અનુભવે છે, આવી સ્થિતિમાં તેઓ પોર્ન જોઈને પોતાનું ધ્યાન ભટકાવવાનો પ્રયાસ કરે છે. તે જ સમયે, ઘણા લોકો ઓફિસમાં પોર્ન જુએ છે જેથી તેઓ નવા અનુભવનો આનંદ માણી શકે. ઘણી વાર લોકો પોર્ન એટલે પણ જુએ છે જેથી તેઓને કોઈ નવો અનુભવ મળી શકે જે સામાન્ય રીતે તેમની સેક્સ લાઈફમાંથી નથી મળતો.
રીપોર્ટમાં આ વસ્તુઓ સામે આવ્યું
યુકેની બર્મિંગહામ સિટી યુનિવર્સિટીના હેલ્થ સાયકોલોજીના પ્રોફેસર ક્રેગ જેક્સને રીપોર્ટમાં કહ્યું, "આ તમામ પરિબળો લોકોને કામના સ્થળે પોર્નોગ્રાફી જોવા માટે પ્રોત્સાહિત કરે છે, પરંતુ ક્રેગ એમ પણ કહે છે કે ઓફિસમાં પોર્નોગ્રાફી જોનારા મોટાભાગના લોકો એવી પ્રતિક્રિયા નથી આપી શકતા જે ઘરે પોર્ન જોતી વખતે જે રીતે પ્રતિક્રિયા આપે છે. ક્રેગે કહ્યું, ઓફિસમાં પોર્નોગ્રાફી આવા કર્મચારીઓ દ્વારા જોવામાં આવે છે જેઓ કોઈ વાતને લઈને ખૂબ ગુસ્સે થઈ જાય છે. આ લોકો તણાવ ઘટાડવા અને નવા પડકારોનો સામનો કરવા માટે આમ કરે છે. ક્રેગ કહે છે કે ઘણી ઓફિસોમાં કર્મચારીઓને લાગે છે કે બોસ દ્વારા તેમની અવગણના કરવામાં આવી રહી છે. આવી સ્થિતિમાં, લોકો આ બધા નકારાત્મક વિચારોનો સામનો કરવા માટે પોર્નોગ્રાફીનો આશરો લે છે.