Holi 2023 / હોળી પર આ 4 રાશિના લોકો રહે સાવધાન! મુશ્કેલીઓ વધારશે રાહુ-કેતુ-મંગળ, જાણો બચવાના ઉપાય

• ખૂબ જ ધૂમધામથી ઉજવવામાં આવે છે હોળીનો તહેવાર 
• રાશિ અનુસાર કોના માટે શુભ રહેશે આ તહેવાર? 
• આ રાશિના લોકોએ રાખવું ખાસ ધ્યાન 

હિંદુ ધર્મમાં હોળીનો તહેવાર ખૂબ જ ધૂમધામથી ઉજવવામાં આવે છે. આ દિવસે લોકો પોતાના મિત્રો અને સગાસંબંધિઓને રંગ-ગુલાલ લગાવે છે અને ભેટીને હોળીની શુભકામનાઓ આપે છે. જોકે આ વખતે હોળી પર ચાર રાશિના જાતકોને ખૂબ જ સંભાળીને રહેવાની જરૂર છે. આ રાશિઓ પર રાહુ, કેતુ અને મંગળ ભારે થતો દેખાઈ રહ્યો છે. 

જ્યોતિષ ગણના અનુસાર મેષ રાશિમાં જ્યાં રાહુ બેઠો છે તો ત્યાં જ તુલા રાશિમાં કેતુ બિરાજમાન છે. તુલા રાશિમાં મંગળ બિરાજમાન છે અને કુંભ રાશિ પર શનિની નજર છે.

શનિ કુંભ રાશિનો સ્વામી છે. માટે આ રાશિના જાતકોને વધારે ચિંતા ન કરવી જોઈએ. જોકે બેદરકારીથી બચવું પડશે. આવો જાણીએ કે હોળી પર આ ચાર રાશિના જાતકોને કેવા પરિણામ મળી શકે છે. 

મેષ 
મેષ રાશિના જાતકોને હોળી પર થોડુ સંભાળીને રહેવું પડશે. આ રાશિમાં રાહુ બિરાજમાન છે. સ્ટ્રેસ અથવા ચિંતા તમને ગેરી શકે છે. રાહુને દુર્ઘટનાઓનો કારક પણ માનવામાં આવે છે. માટે મેષ રાશિના લોકોને ખૂબ સંભાળીને રહેવું પડશે. કોઈ પાસેથી વાહન માંગીને ન ચલાવો. 

વાદ-વિવાદ લડાઈ ઝગડાથી બચો. ભગવાન શિવની પૂજા કરો અને શિવ ચાલીસાનો પાઠ જરૂર કરો. મેષ રાશિના જાતકો લાલ રંગના ગુલાલનો ઉપયોગ કરો તો સારૂ રહેસે. તમે નારંગી અથવા ગુલાબી રંગથી હોળી રમી શકો છો. 

વૃષભ 
વૃષભ રાશિના જાતકો પર મંગળ ભારે રહી શકે છે. જ્યોતિષ શાસ્ત્રમાં મંગળને એક આક્રમક ગ્રહ માનવામાં આવ્યો છે. આ ગ્રહને યુદ્ધ વાદ-વિવાદ અને લડાઈ-ઝગડાનો કારક માનવામાં આવે છે. 

હોળીના દિવસે આ બધી વસ્તુઓથી બચવાનો પ્રયત્ન કરો. એવું કવું તમારા માટે હાનિકારક થઈ શકે છે. સારૂ રહેશે કે તમે હનુમાનજીની પૂજા કરો. વૃષભ રાશિના જાતક ગુલાબી કે સફેદ રંગથી હોળી રમી શકે છે. 

તુલા 
તુલા રાશિના જાતકો પર કેતુનો પ્રભાવ રહેશે. કેતુ તમારા સંબંઘમાં અડચણ લાવી શકે છે. મિત્રો અને સંબંધીઓ સાથે મતભેદનું કારણ પણ બની શકે છે. અહંકારના કારણે તમારી સામાજીક છબી ખરાબ થઈ શકે છે. 

આ રાશિના જાતકો જો ભગવાન ગણેશની પૂજા કરે છે તો સારૂ રહેશે. તુલા રાશિના જાતક સફેદ અથવા ચમકીલા લાલ રંગથી હોળી રમી શકે છે. 

કુંભ 
હોળીના દિવસે કુંભ રાશિના લોકોને પણ સંભાળીને રહેવાની જરૂર છે. આ રાશિમાં શનિની સાથે બુધ અને સૂર્યની યુતિ પણ બની રહી છે. આમ તો શનિ આ રાશિનો સ્વામી છે. પરંતુ છતાં તમારે થોડુ સાવધાની રાખવાની જરૂર છે. 

જો તમને સ્વાસ્થ્ય સંબંધિત કોઈ સમસ્યા છે તો બિલકુલ બેદરકારી ન કરો. શારીરિક સમસ્યાઓ તમારી મુશ્કેલી વધારી શકે છે. માતા દુર્ગાની પૂજા તમારા માટે ફાયદાકારક સાબિત થઈ શકે છે. આ રાશિના જાતક વાદળી કે જાંબલી કલરથી હોળી રમી શકે છે.