આધારકાર્ડમાં સુધારા, વધારા કરાવવા અરજદારો પાસેથી નિયત કરેલી રકમ કરતાં વધુ રકમ લેવામાં આવશે તો જે તે એજન્સી સામે ભ્રષ્ટાચારની કેસ કરવામાં આવશે અને તેના માટે ઓપરેટરને રૂ.૫૦ હજારનો દંડ અને એ વર્ષ માટે બ્લેકલિસ્ટ કરવાની જોગવાઈ છે. રાજ્યના યુડીઆઈના સ્ટેટ નોડલ અધિકારી દ્વારા રાજ્યની તમામ મહાનગરપાલિકાને આ બાબતે તાકીદ કરવામાં આવી છે.
આધારમાં થમ્બ ઈમ્પ્રેશનના સુધારા માટે પણ રૂ.૫૦ ફી નિયત કરાઈ
આધાર નોંધણી પહેલીવાર સંપૂર્ણ ફ્રી જ છે
ફરજિયાત સિવાયના કિસ્સામાં બાયોમેટ્રિક અપડેટ માટે રૂ.પ૦ (જીએસટી સાથે)
મહાપાલિકાના આધારકેન્દ્રોમાં રોજબરોજ આશરે ૧૦૦૦થી ૧૫૦૦ જેટલા અરજદારોની લાંબી કતાર લાગે છે, ત્યારે નવી દિલ્હીથી મળેલી સૂચના અનુસાર આધારકાર્ડમાં સુધારા, વધારા કરાવવા અરજદારોએ કાર્ડ દીઠ રૂ. ૨૫ના રૂ.પ૦ ચૂકવવા પડશે.૧ જુલાઈથી મહાપાલિકામાં નવા દર લાગુ થયા છે.
આધારમાં થમ્બ ઈમ્પ્રેશનના સુધારા માટે પણ રૂ.૫૦ ફી નિયત કરાઈ છે થમ્બ ઇમ્પ્રેશન અને સરનામામાં ફેરફારના કિસ્સામાં સુધારા અર્થે રૂ.૧૦૦થી વધુ ફી વસૂલ કરવાની હોતી નથી. સરકારને કેટલાક કિસ્સામાં વધુ ફી વસૂલાતી હોવાની અનેક ફરિયાદો મળી છે. જેના પગલે સ્ટેટ નોડલ અધિકારીએ આ બાબતને ગંભીરતાથી ધ્યાને લેવા સૂચના આપી છે. જેમાં નિયત કરતાં વધુ ફી લેવાતી હોવાના કિસ્સામાં કરપ્શનનો કેસ કરીને ઓપરેટરને રૂ ૫૦,૦૦૦નો દંડ અને એક વર્ષ માટે બ્લેક લિસ્ટ કરવાની જોગવાઈ અનુસરવા માટે આદેશ કરવામાં આવ્યો છે. મ્યુનિસિપલ કોર્પોરેશનમાં આધારકાર્ડની કામગીરી માટે ડેપ્યુટી મ્યુનિસિપલ કમિશનરને નોડલ અધિકારી તરીકે નિયુક્ત કરાયા છે.
મહાપાલિકાના અધિકારી સૂત્રોએ જણાવ્યું કે યુ.આઈ.ડી.આઈ. નવી દિલ્હીના ઓફિસ મેમોરેન્ડમ અનુસાર આધારકાર્ડ માટે નવી નોંધણી તેમજ આધારકાર્ડમાં અપડેટ માટેની ફી વસૂલવામાં આવશે. આધારકાર્ડ નોંધણી તથા ફરજિયાત બાયોમેટ્રિક અપડેટ સંપૂર્ણ ફ્રી રહેશે. જ્યારે નામ, સરનામું, જન્મ તારીખ જેવી તમામ અપડેટમાં રૂ.પ૦ (જીએસટી સાથે), ફરજિયાત સિવાયના કિસ્સામાં બાયોમેટ્રિક અપડેટ માટે રૂ.પ૦ (જીએસટી સાથે) તથા આધારકાર્ડ સર્ચ અને પ્રિન્ટમાં રૂ.૩૦ એક આધારકાર્ડના (જીએસટી સાથે) વસૂલવામાં આવશે.
આધાર નોંધણી પહેલીવાર સંપૂર્ણ ફ્રી જ છે પરંતુ સુધારાની ફી જે રૂ.રપ હતી તે હવે રૂ. પ૦ કરવામાં આવી છે. જે અરજદારોને અગાઉ સુધારા કરાવતી વખતે ટેકનિકલ એરર એવા મેસેજ આવ્યા છે. તેઓએ સુધારા માટે નવેસરથી અરજી કરવાની રહેશે.