નવા વર્ષમાં પેટીએમ યુઝર્સને ક્રેડિટ કાર્ડથી ઈ-વોલેટમાં પૈસા લોડ કરવા મોંઘુ પડી રહ્યું છે. પેટીએમ યુઝર્સે જો પોતાના ઈ-વોલેટમાં ક્રેડિટ કાર્ડથી એક મહિનામાં 10,000 રૂપિયાથી વધારે રકમ એડ કરે છે તો તેમને 2 ટકા ચાર્જ ચૂકવવો પડશે. કંપનીએ નવી પોલિસીમાં આ જાણકારી આપી છે.
નવા વર્ષમાં પેટીએમનો ઉપયોગ પડી શકે છે મોંઘો
પેટીએમ વોલેટમાં 10,000 રૂપિયાથી વધુ જમા ન કરાવતા
ડેબિટ કાર્ડ અને UPIથી વોલેટ ટોપ-અપ ફ્રી રહેશે
ડેબિટ કાર્ડ, UPI ટ્રાન્સફર નિઃશુલ્ક
ડેબિટ કાર્ડ તથા યુનિફાઈડ પેમેન્ટસ ઈન્ટરફેસ(UPI)થી વોલેટ ટોપ-અપ નિઃશુલ્ક રહેશે. આ અંગે નિષ્ણાંતનું કહેવું છે કે, આ નિર્ણય આ પ્રકારના ટ્રાન્ઝેક્શન પર લાગતા ખર્ચને બચાવવા માટે લેવાયો છે.
1.75%+GST લાગશે
પેટીએમએ ટ્વિટ કરીને કહ્યું કે, જો ક્રેડિટ દ્વારા એડ કરવામાં આવેલી કુલ રકમ 10,000 રૂપિયાથી વધુ હશે તો ટ્રાન્ઝેક્શનના કુલ અમાઉન્ટ પર 1.75%+GST આપવું પડશે.
પહેલાં પણ આ અંગે કર્યો હતો વિચાર
આવું પહેલી વખત નથી, જ્યારે પેટીએમ આ પ્રકારનો ફેરફાર કરવાનો વિચાર કર્યો છે. એક વર્ષ પહેલાં કંપનીએ આ પ્રકારનો ચાર્જ લગાવવાનો વિચાર કર્યો હતો, પરંતુ તેને લાગુ કરી શક્યા નહોતા. હવે એ જોવાનું રહ્યું કે આ બદલાવ પર યુઝર કેવી પ્રતિક્રિયા આપે છે, કારણ કે ઘણાં યુઝર્સ ટેક્સીના ભાડા સહિત અન્ય બિલની ચૂકવણી માટે પેટીએમ વોલેટમાં ક્રેડિટ કાર્ડથી પૈસા લોડ કરે છે.