શાહરુખની ફિલ્મ પઠાણનું ટ્રેલર મંગળવારે સવારે 11 વાગ્યે યશ રાજની યુટ્યુબ પર ચેનલ પર રિલીઝ કરવામાં આવ્યું હતું.
શાહરૂખ ખાનની ફિલ્મ પઠાણનું ટ્રેલર રિલીઝ
શાહરુખ ખાન ફિલ્મ 'પઠાણ' સાથે બૉલીવુડમાં કમબેક કરવા તૈયાર
25 જાન્યુઆરીએ રિલીઝ થશે ફિલ્મ
બોલિવૂડના કિંગ ખાન કહેવાતા શાહરૂખ ખાનની મોસ્ટ અવેટેડ ફિલ્મ પઠાણનું ટ્રેલર આખરે બહાર આવી ગયું છે. 4 વર્ષ પછી શાહરુખ ખાન ફિલ્મ 'પઠાણ' સાથે બૉલીવુડમાં કમબેક કરવા માટે તૈયાર છે. જો કે દર્શકો પણ પઠાણ ફિલ્મની આતુરતાથી રાહ જોઈ રહ્યા છે અને એ માટે ફિલ્મ 'પઠાણ'ના નિર્માતાઓ ટ્રેલર લઈને આવી ગયા છે.
શાહરુખની ફિલ્મ પઠાણનું ટ્રેલર મંગળવારે સવારે 11 વાગ્યે યશ રાજની યુટ્યુબ પર ચેનલ પર રિલીઝ કરવામાં આવ્યું હતું. ટ્રેલર એટલું જબરદસ્ત છે કે શાહરૂખના ચાહકો ટ્રેલર જોઈને ખુશ થઈ ગયા છે. જણાવી દઈએ કે ફિલ્મમાં માત્ર શાહરૂખ ખાન, દીપિકા પાદુકોણ અને જ્હોન અબ્રાહમ જ નહીં પરંતુ પીઢ અભિનેત્રી ડિમ્પલ કાપડિયા પણ ખૂબ જ દમદાર અંદાજમાં જોવા મળશે.
ટ્રેલર પરથી લાગી રહ્યું છે કે આ ફિલ્મ સંપૂર્ણપણે દેશભક્તિ અને સ્પાય થ્રિલરનો ડબલ ડોઝ આપશે. ફિલ્મનો દરેક સીન રોમાંચથી ભરેલો છે અને દરેક એકટરના ડાયલોગ્સમાં દેશભક્તિના સંવાદો સાંભળવા મળી રહ્યા છે. આ સાથે જ એક્શનથી ભરપૂર આ ફિલ્મમાં શાહરુખ ખાનનો અંદાજ દર્શકોના દિલ જીતી રહ્યો છે.
આ ટ્રેલરમાં એક ડાયલોગ છે કે 'હવે પઠાણનો વનવાસ પૂરો થયો'. આ ડાયલોગને લોકો 4 વર્ષ પછી શાહરૂખ ખાનણઆ કમબેક સાથે જોડી રહ્યા છે. આપણે બધા જાણીએ છીએ કે શાહરુખ ખાન 2018માં આવેલ ફિલ્મ 'ઝીરો'માં જોવા મળ્યો હતો. જે બાદ હવે તે સીધો વર્ષ 2023માં 'પઠાણ'માં જોવા મળ્યો છે.
25 જાન્યુઆરીએ રિલીઝ થશે ફિલ્મ
સિદ્ધાર્થ આનંદ દ્વારા નિર્દેશિત 'પઠાણ'માં શાહરૂખ ખાન, દીપિકા પાદુકોણ અને જોન અબ્રાહમ મુખ્ય ભૂમિકામાં છે. તે 25 જાન્યુઆરીએ સિનેમાઘરોમાં રિલીઝ થવા જઈ રહી છે.