સંસદ / રાહુલ ગાંધીએ PM મોદી પાસે માંગ્યો જવાબ, કહ્યું આ 50 નામોની યાદી જાહેર કરો

• રાહુલ ગાંધીએ ડિફોલ્ટરોની યાદી માંગી, સરકારને ઘેરવા પ્રયાસ કર્યો 
• અનુરાગ ઠાકુરે યાદી  કેન્દ્રીય સૂચના આયોગ (CIC)ની વેબસાઈટ પર છે કહ્યું
• અનુરાગે યસ બેંકના રાણા કપૂર અને પ્રિયંકાની વચ્ચેના પેન્ટિંગ સોદાની વાત કરતા...

આ તમામના નામની યાદી કેન્દ્રીય સૂચના આયોગ (CIC)ની વેબસાઈટ પર છે

રાહુલ ગાંધીના સવાલનો જવાબ આપવા માટે નાણા રાજ્યમંત્રી અનુરાગ ઠાકુર ઉભા થયા. જોકે અનુરાગ ઠાકુરના ઉભા થતાની સાથે કોંગ્રેસના સાંસદોએ હોબાળો મચાવ્યો હતો. તેઓ નાણા મંત્રી નિર્મલા સીતારમણ પાસેથી જવાબ ઈચ્છતા હતા. રાહુલના સવાલના જવાબમાં અનુરાગ ઠાકુરે કહ્યું હતું કે આમાં સંતાડવા જેવી કોઈ વાત જ નથી. આ તમામના નામની યાદી કેન્દ્રીય સૂચના આયોગ (CIC)ની વેબસાઈટ પર આપવામાં આવી છે. 25 લાખથી જે પણ છે તે તમામ વિલફુલ ડિફોલ્ટરોની યાદી આપવામા આવી છે. ઠાકુરે કોંગ્રેસ પર નિશાનો સાધતા કહ્યું કે કેટલાક લોકો પોતાના પાપોને બીજાના માથે નાંખવા માંગતા હોય છે જે અમે નહીં થવા દઈએ. હું અહીં પણ નામ વાંચવા તૈયાર છું.

રાહુલ ગાંધીએ શું કહ્યુ...

રાહુલ ગાંધીએ કહ્યું કે ભારતની અર્થવ્યવસ્થા ખરાબ સમયમાંથી પસાર થઈ રહી છે. આપણી બેન્કિંગ સિસ્ટમ કામ નથી કરી રહી. બેંક અસફળ બની રહી છે. મને શંકા છે કે આગળ વધારે બેંક નિષ્ફળ થશે. આપણી બેંકોમાંથી પૈસા ચોરવામાં આવી રહ્યા છે.  

પેન્ટિંગને લઈને અનુરાગ ઠાકોરે નિશાનો સાધ્યો

અનુરાગ ઠાકુરે યસ બેકના સ્થાપક રાણા કપૂર અને કોંગ્રેસના મહાસચિવ પ્રિયંકા ગાંધીની વચ્ચે 2 કરોડ રુપિયાની પેન્ટિંગના સોદાનો ઉલ્લેખ કર્યો હતો. તેમણે કહ્યું કે કેટલાક સભ્યો કહી રહ્યાં છે હું પેન્ટિંગની વાત કરું. પરંતુ હું રાજકારણ કરવા નથી માંગતો. પેન્ટિંગ કોણે વેચી અને કોના ખાતામાં પૈસા ગયા. પેન્ટિંગને ઉલ્લેખ થતાં જ સદનમાં કોંગ્રેસના સાંસદોએ હોબાળો મચાવ્યો હતો.