IPLIN
 

નાગરિકતા બિલ વિવાદ / મારું રાજ્ય સળગી રહ્યું છે એટલે હું ગીત નહીં ગાઈ શકું, બોલિવૂડ સિંગરે શો રદ્દ કર્યો

Team VTV 10:57 AM, 13 Dec 19
Follow us
Papon cancels Delhi show over CAB, says his home state is burning

નાગરિકતા સંશોધન બિલ પાસ થયા બાદ દેશમાં ઘણી જગ્યાએ વિરોધ પ્રદર્શન થઈ રહ્યો છે. જ્યારે પૂર્વોત્તરમાં સ્થિતિ તણાવપૂર્ણ છે. અસમમાં જબરજસ્ત વિરોધ જોવા મળી રહ્યો છે. ત્યાં લોકો રસ્તાઓ પર ઉતરી આવ્યા છે. આ બધાંની વચ્ચે અસમના રહેવાસી બોલિવૂડ સિંગર પેપોને દિલ્હીમાં આ વીકેન્ડ પર યોજાનારા તેના કોન્સર્ટને રદ્દ કરવાની વાત કરી છે.

  • અસમમાં સ્થિતિ તણાવપૂર્ણ હોવાથી સિંગરે દિલ્હીનો કોન્સર્ટ કેન્સલ કર્યો
  • સિંગરે કહ્યું, મારું અસમ સળગી રહ્યું છે, રડી રહ્યું છે
  • પેપોન શુક્રવારે દિલ્હીમાં ઈમ્પરફેક્ટોશોરમાં હાજરી આપવાનો હતો.

બોલિવૂડ સિંગર પેપોનનું અસલી નામ અંગરાગ મહંત છે. નોંધનીય છે કે પેપોનના 'જિયે ક્યોં' અને 'મોહ મોહ કે ધાગે' જેવા સુપરહિટ ગીતો ખૂબ જ લોકપ્રિય થયા હતા. 'દમ લગા કે હઈશા' ફિલ્મનું ગીત 'મોહ મોહ કે ધાગે' માટે પેપોનને ફિલ્મફેર સહિતના ઘણાં એવોર્ડ્સ પણ મળી ચૂક્યા છે. 

પેપોને તેનો શો કેન્સર કરવાની જાણકારી આપતા ટ્વિટ કરીને કહ્યું કે, ડિયર દિલ્હી, મને માફ કરજો પરંતુ મેં નક્કી કર્યું છે કે, હું 'ઈમ્પરફેક્ટોશોર'માં યોજાનારા કોન્સર્ટ હાજરી નહીં આપી શકું, મેં આ કોન્સર્ટ કેન્સર કરવાનો નિર્ણય લીધો છે. મારું રાજ્ય અસમ સળગી રહ્યું છે, ડી રહ્યું છે અને કર્ફ્યૂમાં છે. હાલ જે મારી માનસિક સ્થિતિ છે, તે પરિસ્થિતિમાં હું તમારા માટે પર્ફોર્મ નહીં કરી શકું.

આ ટ્વિટ પછી પેપોને વધુ એક ટ્વિટમાં કહ્યું, મને ખબર છે કે તમારી સાથે અન્યાય થયો છે, કારણ કે તમે બહુ પહેલેથી શોની ટિકિટ ખરીદી લીધી હશે અને લાંબા સમયથી આ શો માટે પ્લાન પણ બનાવી લીધો હશે. મને આશા છે કે શો ઓર્ગેનાઈઝર્સ તમારી મદદ કરશે. હું વચન આપું છું કે ભવિષ્યમાં હું તમારા માટે પર્ફોર્મ કરવા જરૂર આવીશ. આશા છે કે તમે લોકો આ વાતને સમજી શકશો. 

Singer Papon Assam citizenship amendment bill Papon canceled his show સિંગર પેપોને શો કેન્સર કર્યો અસમમાં વિરોધ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ