પાકિસ્તાનથી જોડાયેલ બોર્ડર પર તૈનાત ભારતીય સેનાને પાકિસ્તાની ડ્રોનને તોડી પાડવાની મંજૂરી મળી ગઇ છે. જો હવે બોર્ડર પાર પાકિસ્તાનનું ડ્રોન 1000 ફૂટની ઉંચાઇ પર ઉડતુ દેખાશે તો ભારતીય સેના તેને તોડી પાડશે.
સુરક્ષાબળોને ડ્રોન તોડી પાડવા માટે આપ્યા આદેશ
1000 ફૂટની ઉંચાઈ પર ડ્રોન ઉડતુ દેખાશે તો તોડી પાડવા આદેશ
પાકિસ્તાને અગાઉ પંજાબમાં ડ્રોનથી મોકલ્યા હતા હથિયારો
ભારતીય સીમા પર હવે પાકિસ્તાની ડ્રોન દેખાશે તો તેને તોડી પાડવા માટે સુરક્ષાબળના જવાનોને આદેશ આપી દેવાયા છે. મોદી સરકારે સુરક્ષાબળના જવાનોને પાકિસ્તાની ડ્રોન તોડી પાડવા માટે આદેશ આપ્યા છે. જો સીમા પર પાકિસ્તાની ડ્રોન એક હજાર ફૂટની ઉંચાઈ પર ઉડતુ જોવા મળશે તો ભારતીય સુરક્ષાબળના જવાનો તેને તોડી પાડશે.
પંજાબમાં પાકિસ્તાને ડ્રોનથી હથિયારો મોકલ્યા હતા
હાલમાં જ પાકિસ્તાની સેનાની મદદથી આતંકવાદી સંગઠનોએ ડ્રોન દ્વારા પંજાબમાં હથિયારો અને ડ્રગ્સની સપ્લાઇ કરવાના મામલા સામે આવ્યા હતા, ત્યારબાદ ભારતીય સેનાને બોર્ડર પાર પાકિસ્તાનના ડ્રોન તોડી પાડવાની મંજૂરી મળી છે.
જમ્મૂ કાશ્મીર અને પંજાબથી જોડાયેલ પાકિસ્તાની બોર્ડર પર ભારતીય સેના અને બોર્ડર સિક્યોરિટી ફોર્સ (BSF)ના જવાનો તૈનાત છે. બીએસએફના જવાન અનેક વખત પાકિસ્તાની ડ્રોનને ઉડતા જોઇ ચૂક્યા છે. કેટલીક વખત પાકિસ્તાની ડ્રોન ભારતીય હવાઇ ક્ષેત્રમાં ઘુસણખોરૂ પણ કરે છે અને કેટલીક વખત સર્વેલન્સ જોઇને પરત પણ ચાલ્યા જાય છે.
જણાવી દઇએ કે હાલમાં જમ્મૂ કાશ્મીરથી જોડાયેલ સરહદ પાર કરવાના પ્રયત્નો સતત અસફળ રહ્યા બાદ પાકિસ્તાન પંજાબના રસ્તે હથિયારોની મોકલી રહ્યું છે.