કચ્છઃ સરક્રીક વિસ્તારમાંથી પાકિસ્તાની બોટ અને ધૂસણખોર ઝડપાયો

કચ્છઃ સરક્રીક વિસ્તારમાંથી બે બિનવારસી પાકિસ્તાની બોટો ઝડપાઈ હતી. BSF દ્વારા કરાયેલી તપાસ દરમિયાન બે પાકિસ્તાની બોટ ઝડપાઈ હતી. આ બોટમાંથી એક મોબાઈલ અને માછીમારીની સામગ્રી મળી આવી હતી. વધુ તપાસ માટે BSF દ્વારા સર્ચ હાથ ધરવામાં આવ્યું હતું.

ત્યાર બાદ રાતભર ફાસ્ટ એટેક બોટ દ્વારા બીએસએફના જવાનોએ સર્ચ ઓપરેશન ચલાવ્યું હતું અને આ તપાસ અભિયાન બીજા દિવસે પણ જારી રહેતાં બુધવારે લખપતવાળી ક્રીકના માઉથ પાસેથી પાકિસ્તાની એક ઘૂસણખોર સાથે એક બોટને પણ ઝડપી લેવામાં આવી હતી.

ઉલ્લેખનીય છે કે ઝડપાયેલા 17 વર્ષીય ઘૂસણખોરનું નામ અબ્દુલ મજીદ છે. આ બોટમાંથી એક ક્વિન્ટલ મચ્છીનો જથ્થો એક મોબાઈલ અને માછીમારીનાં સાધનો મળી આવ્યાં છ. આજે ઝડપાયેલી એક બોટ અને ઘૂસણખોર પાસેથી કશું શંકાસ્પદ લાગે તેવી સામગ્રી મળી નથી. પરંતુ ઉપરાછાપરી બોટ મળવાના પગલે સુરક્ષા એજન્સીઓ દોડતી થઇ ગઇ છે અને સમગ્ર ઘટનાક્રમ પર નજર રાખી રહી છે.