IPLIN
 

NZ vs PAK / T20 વર્લ્ડકપમાં પાકિસ્તાનની સતત બીજી જીત, ન્યૂઝીલેન્ડને 5 વિકેટથી હરાવ્યું

Team VTV 11:19 PM, 26 Oct 21 | Updated: 11:43 PM, 26 Oct 21
Follow us
Pakistan beat New Zealand by 5 wickets in T20 World Cup

પાકિસ્તાને ટી-20 વર્લ્ડકપ 2021ના સુપર-12 રાઉન્ડમાં સતત બીજી જીત મેળવી છે.  આ જીત સાથે પાકિસ્તાને પોતાના ગ્રુપમાં ટૉપ પોઝિશન મેળવી લીધી છે.

  • ટી-20 વર્લ્ડકપમાં પાકિસ્તાને ન્યૂઝીલેન્ડને હરાવ્યું
  • પાકિસ્તાને ટૉસ જીતીને પહેલા બોલિંગ પસંદ કરી હતી
  • આ અગાઉ પાકિસ્તાને પ્રથમ મેચમાં ભારતને હરાવ્યું હતું

મંગળવારે રમાયેલા મુકાબલામાં પાકિસ્તાને ન્યૂઝીલેન્ડને 5 વિકેટથી હરાવીને પોતાના ગ્રુપમાં ટૉપ પૉઝિશન મેળવી લીધી છે. એક સમયે મેચ રોમાંચક મોડ પર આવી હતી, પરંતુ અંતમાં પાકિસ્તાન બેટ્સમેનોની શાનદાર બેટિંગથી ન્યૂઝીલેન્ડને હાર મળી. ન્યૂઝીલેન્ડે પાકિસ્તાનને 135 રનનો ટારગેટ આપ્યો હતો, જેને પાકિસ્તાને સર કરી લીધો.

ટૉસ હારીને બેટિંગ કરવા ઉતરેલી ન્યૂઝીલેન્ડની ટીમ 20 ઓવરમાં 8 વિકેટના નુકસાને 134 રન જ બનાવી શકી હતી. શારજાહની ધીમી પિચ પર પાકિસ્તાનના બોલરોએ શાનદાર પ્રદર્શન કરતા કીવીના બેટ્સમેનોને મોટા સ્કૉર તરફ જતા રોકી દેવાયા. પાકિસ્તાનને જીત માટે 135 રનનો લક્ષ્યાંક આપવામાં આવ્યો હતો. જેને પાકિસ્તાને શાનદાર બેટિંગ કરીને પાર પાડી દીધો. 

ટી-20 વર્લ્ડકપ પહેલા ન્યૂઝીલેન્ડે પાકિસ્તાનમાં સીરીઝ રમવાનો ઇન્કાર કર્યો હતો, જ્યારબાદ બન્ને ટીમો વચ્ચે આ પહેલો મુકાબલો હતો. પાકિસ્તાને ટૉસ જીતીને પહેલા બોલિંગ પસંદ કરી હતી. પાકિસ્તાન લાંબા સમયથી ન્યૂઝીલનેડને હરાવવાની વાત કરી રહ્યું હતું અને હવે તેણે એવું જ કર્યું છે. પાકિસ્તાને ગ્રુપ-2ની પોતાની શરૂઆતની મેચમાં ભારત અને પછી ન્યૂઝીલેન્ડને હરાવ્યું.

T20 World Cup 2021 pakistan NEWZEALAND પાકિસ્તાન ન્યૂઝીલેન્ડ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ