પાકિસ્તાન / સરકાર બચાવવા ઈસ્લામાબાદમાં ઈમરાન ખાનનું શક્તિપ્રદર્શન, રાજીનામું ન આપવાની કરી દીધી સ્પષ્ટતા!

• ઇમરાન ખાનની પાર્ટીના 24 સાંસદોએ કર્યો બળવો
• 28 માર્ચે અવિશ્વાસ પ્રસ્તાવ રજૂ કરશે વિપક્ષ
• ઇમરાને ઇસ્લામાબાદમાં કર્યું શક્તિ પ્રદર્શન

અવિશ્વાસ પ્રસ્તાવ પર મતદાન પહેલા પાકિસ્તાનના પ્રધાનમંત્રી ઇમરાન ખાને ઇસ્લામાબાદમાં એક વિશાળ રેલી કરી. અહીં તેમણે વિપક્ષ પર મોટા પ્રહાર કર્યા. ઇમરાને રેલીમાં સ્પષ્ટ કરી દીધું કે તેઓ રાજીનામું નહીં આપે.

ઇમરાન ખાને કહ્યું કે, મારા મંત્રીઓને ખરીદવાના પ્રયત્ન કરવામાં આવ્યો, તેમને તમામ પ્રકારની લાલચ આપવામાં આવી પરંતુ તમે મારી સાથે બન્યા રહ્યા, તમારા પર મને ગર્વ છે. પાકિસ્તાનીઓ યાદ રાખે કે આપણો દેશ શા માટે બન્યો હતો. લોકો પૂછે છે કે તમે દિવસની વાત શા માટે કરો છો, આજથી 25 વર્ષ પહેલા જ્યારે પાર્ટી બનાવી હતી ત્યારે આપણો ઉદ્દેશ્ય હતો કે જે ઉદ્દેશ્યથી પાકિસ્તાન બનાવવામાં આવ્યું હતું, તેને પૂર્ણ કરવામાં આવે.

ઇમરાને કહ્યું કે, હું 18 વર્ષની ઉંમરમાં બહાર ગયો, ભણ્યો, ક્રિકેટ રમ્યો, જેમ જેમ મને દિવસ સમજાયા, મને એક વસ્તુ મારા મગજમાં આવી કે જે નબી અમે મુસ્લિમોને કહેતા હતા, તે પાકિસ્તાનમાં નજરે નથી આવી રહ્યા, પરંતુ આખી દુનિયામાં નજરે આવી રહ્યા હતા.

مریم نواز جس نے زندگی میں ایک گھنٹہ کام نہیں کیا اور بلاول جس کی کانپیں ٹانگتی ہیں جو اردو نہیں بول سکتا وہ بھی لیڈر بننا چاہتا ہے اور رو پڑنے کی دھمکیاں دیتا ہے۔ وزیراعظم عمران خان
#IamImranKhan pic.twitter.com/nbHa3IZYZq

— PTI (@PTIofficial) March 27, 2022

30 વર્ષમાં ચીને 70 કરોડ લોકોને ગરીબીમાં બહાર કાઢ્યાઃ ઇમરાન
હાલમાં જ મેં ચીનમાં જોયું કે 30 વર્ષમાં ચીને 70 કરોડ લોકોને ગરીબીથી બહાર કાઢ્યા. એ યાદ રાખો કે જે નબી આપણા મુસ્લિમોને કહેતા હતા, તે પાકિસ્તાનમાં નજરે નથી આવી રહ્યું, પરંતુ આખી દુનિયામાં નજરે આવી રહ્યું હતું. યાદ રાખો કે આપણા નબી તમામ લોકોના ખુદા છે. જે પણ માણસ તેના ઇરાદાઓ પર ચાલશે, ત્યાં બરકત આવશે. કુરાન આપણને આપણા સારા માટે કહે છે.

દેશના લોકોને 10 લાખની સારવાર માટે યોજના આપીઃ ઇમરાન
આપણે તે દેશ છીએ જે કોઇપણ વિકાસશીલ દેશોને બરાબર કામ કરી રહ્યા છે. અમે તમામ લોકોને 10 લાખની સારવાર માટેની યોજના આપી. ગરીબો પાસે પૈસા નથી હોત. અમે હેલ્થ ઇન્શ્યોરન્સ લઇને આવ્યા છીએ જેમાં ગરીબ માણસ પ્રાઇવેટ હોસ્પિટલમાં સારવાર કરાવી શકે છે. ગરીબોને રાશન આપી રહ્યા છીએ. અમારુ સફળ પાકિસ્તાનનો પ્રોગ્રામ છે. ગરીબોને વગર વ્યાજે રૂપિયા આપી રહ્યા છે જેમાં તેમનું ઘર બની શકે. પહેલી વખત પાકિસ્તાનમાં છેવાના લોકોને ઉપર લાવવાનું કામ થઇ રહ્યું છે.

પેટ્રોલના ભાવ વધારવાના બદલે 10 રૂપિયા ઓછા કર્યાઃ ઇમરાન
ઇમરાને કહ્યું કે, અમે 250 અરબ સબસિડી આપી અને પેટ્રોલના ભાવ વધારવાના બદલે 10 રૂપિયા ઓછા કર્યા. વીજળીના ભાવ 5 રૂપિયા યુનિટ ઓછા કર્યા. જેમ જેમ પૈસા એકઠા કરતો જઇશ, ટેક્સના પૈસા લોકો પર ખર્ચ કરીશ.

નાના ચોરને જેલમાં અને મોડાને NRO આપી દેવાતા હતાઃ ઇમારન
આપણો દેશ ત્યારે વિકાસ કરશે જ્યારે તેઓ નબીના સુન્નત પર ચાલશે.  સૌથી પહેલા માનવતા છે જેમાં દયા હોય. અમે અમીરથી ટેક્સ એકઠો કરીને ગરીબોને ઉપર લાવીશું. 5 વર્ષ પૂરા કર્યા બાદ અમારી સરકારના વખાણ થશે અને દેશના વખાણ થશે. તેમણે કહ્યું કે, નબીનું ફરમાન હતું કે તમારાથી મોટી કોમ તબાહ થઇ, જ્યાં નાના ચોર ચોરી કરતા હતા તો તેને જેલમાં નાખી દેતા હતા અને મોટા ડાકૂ ચોરી કરતા હતા તો તેને NRO આપી દેતા હતા. આ પાકિસ્તાનની બદનસીબી હતી. આ તમામ દેશોની બદનસીબી છે.

મુશર્રફ સરકારનો બોઝ આજે પાકિસ્તાન ઉઠાવી રહ્યું છેઃ ઇમરાન
ગરીબ દેશ ગરીબ એટલે હોય છે કારણ કે વ્હાઇટ કોલર ક્રાઇમ કરનારને નથી પકડવામાં આવતા. તેમણે વિપક્ષ પર આરોપ લગાવ્યો કે 30 વર્ષથી આ પાકિસ્તાન લૂટી રહ્યા છે. મુશર્રફની જેમ ઇમરાન ખાન  આ તમામ NRO નહીં આપે. જ્યારે મોકો મળે છે તેઓ સરકારને તોડી પાડવાના પ્રયત્નો કરે છે. જનરલ મુશર્રફે જે દેશ પર ગુનો કર્યો, આ ચોરોને NRO આપ્યું, તેના કારણે આપણે આજે બોજ ઉઠાવી રહ્યા છીએ. તેના દેવાના હપ્તા ભરી રહ્યા છીએ. આ બધુ મુશર્રફે પોતાની ખુરશી બચાવવા માટે કર્યું.

ભલે મારી સરકાર ચાલી જાય, પણ હું ક્યારે તેમને માફ નહીં કરુંઃ ઇમરાન
તેમણે કહ્યું કે, ભલે મારી સરકાર ચાલી જાય, મારો જીવ ચાલ્યો જા, હું તેમને ક્યારેય માફ નહીં કરું. અમે તે દેશ બનાવવા માગીએ છીએ જે માણસોને એકઠો કરશે. અમે તે ફોરેન પોલિસી લાવવા માગીએ છીએ જે યુદ્ધમાં કોઇની સાથે નહીં ઉભા થાય. અમે તે પાકિસ્તાન બનાવવા માંગીએ છીએ જે એક ગરીબને ન્યાય મળે. તેમણે રેલીમાં હજાર મહિલાઓને કહ્યું કે, ઇસ્લામમાં મહિલાઓને હક આપ્યો છે. અફસોસ છે કે 70 ટકા મહિલાઓને પાકિસ્તાનમાં તેમને હક નથી મળતો. અમે કાયદો લઇને આવ્યા છીએ કે મહિલાઓને તેમને હક જબરદસ્તી આપવામાં આવશે.

અત્રે ઉલ્લેખનીય છે કે, પાકિસ્તાનમાં છેલ્લા કેટલાક દિવસોથી ઘમાસાણ ચાલી રહ્યું છે. 24 સાંસદોને બળકો કરતા ઇમરાનની સરકાર અલ્પ મતમાં આવી ગઈ છે. વિપક્ષ એકઠુ થઇ ગયું છે. તો સેના પ્રમુખ બાજવાને પણ ઇમરાન પસંદ નથી આવી રહ્યા. રાજધાની ઇસ્લામાબાદમાં પાકિસ્તાનના પ્રધાનમંત્રી ઇમરાન ખાને મોટી રેલી કરીને શક્તિ પ્રદર્શન કર્યું છે.