મોદી સરકારની જોબ પોર્ટ પર 1 કરોડથી વધારે બેરોજગારોએ નોકરી માટે રજીસ્ટ્રેશન કરાવ્યું છે. પરંતુ જવાબમાં અત્યાર સુધીમાં મોદી સરકારે 67.99 લાખ નોકરીઓની સૂચના પોર્ટલ પર આપી છે. જો કે તેમાંથી કેટલી નોકરીઓ રજીસ્ટ્રેશન કરાવેલાઓને મળી તેનો આંકડો સરકારી પોર્ટલ પર ઉપલબ્ધ નથી. શ્રમ અને રોજગાર મંત્રી સંતોષ ગંગવાર અગાઉ લોકસભામાં પૂછાયેલા એક સવાલના જવાબમાં સ્પષ્ટ કરી ચૂક્યાં છે કે નેશનલ કેરિયર સર્વિસ (NCA) પોર્ટલ દ્વારા કેટલા લોકોને નોકરી મળી, તેના આકંડાઓ રાખવામાં આવતા નથી, પરંતુ આ પોર્ટલ પર રજિસ્ટર્ડ થયેલી ખાલી જગ્યા અને રજીસ્ટ્રેશન કરાવેલા બેરોજગાર સાથેના જોડાયેલા આંકડાઓ રાખવામાં આવે છે.
1 કરોડથી વધારે લોકોએ નોકરી માટે કરી અરજી
67 લાખથી વધારે નોકરીઓની સૂચના છે પોર્ટલ પર
કેટલાં લોકોને નોકરી મળી તેના આંકડા નહીં
મોદી સરકારે નોકરીઓ માટે શોધ કરી રહેલા બેરોજગારો અને સારા કર્મચારીઓની શોધ માટેની સંસ્થાઓને એક પ્લેટફોર્મ પર લાવવા માટે 2015માં ખાસ પહેલ શરૂ કરી હતી. તેના માટે શ્રમ તેમજ રોજગાર મંત્રાલયે નેશનલ કેરિયર સર્વિસપોર્ટલનું પ્લેટફોર્મ લોન્ચ કર્યું હતુ. આ એવું પોર્ટલ છે, જેના પર બેરોજગાર પોતાની શૈક્ષણિક સહિત પોતાની યોગ્યતા અંગેની જાણકારી આપતી પ્રોફાઇલ બનાવી શકે છે. જ્યારે નોકરી આપનારી કંપનીઓ પણ પોતાનું રજિસ્ટ્રેશન અહી કરાવી શકે છે. કોઇપણ રજીસ્ટ્રર કરનારા બેરોજગાર ક્લિક કરી પોતાના લાયક ઉપલબ્ધ નોકરી અને સંસ્થાઓની જાણકારી મેળવી શકે છે.
2015થી અત્યાર સુધી આ પોર્ટલ પર નજર નાંખીએ તો નોકરી માટેની અરજીની સરખામણીએ નોકઓના સર્જનની સ્થિતિ સંતોષજનક નથી. પોર્ટલ બન્યા બાદ પહેલા વર્ષે એટલે કે 2015-16 માં કુલ 1 લાખ 47 હજાર 780 નોકરીઓની સુચના આ પોર્ટલ પર જારી કરવામાં આવી. જ્યારે આ વર્ષે 32 લાખ 32 હજાર 916 બેરોજગારોએ નોકરી માગી. પહેલા વર્ષે નોકરી આપનારી 559 કંપનીઓ આ પોર્ટલ સાથે જોડાઇ.
જો તેના બીજા વર્ષની આ પોર્ટલ અંગેની જાણકારી મેળવીએ તો બેરોજગારની સંખ્યા વધતી ગઇ. 2016-17માં 1433075 નોકરકીઓ જારી થઇ, જ્યારે બેરોજગારી વધીને 44,73,989 થઇ ગઇ. એવી જ રીતે 2017-18માં જ્યાં 52,51,432 બેરોજગારએ નોકરી માગી, તો તેમની માટે 23,54,047 નોકરીઓ ઉપલબ્ધ હતી. આ સાથે 2018-19માં બેરોજગારોનો આંકડો 85,41,273 સુધી પહોંચી ગયો, જ્યારે નોકરીઓનો આંકડા 40,41,848 જ રહ્યો જ્યારે 2019-20માં બેરોજગારોનો આંકડો 1 કરોડ 9 લાખ 87 હજાર 331 થઇ ગયો, જ્યારે નોકરીઓની સંખ્યા 67,99,117 રહી. જો હાલની વાત કરીએ તો આ સમયે 1 કરોડ 4 લાખ 54 હજાર 808 બેરોજગાર છે, જેની સામે માત્ર 3 લાખ 26 હજાર 308 નોકરી ઉપલબ્ધ છે.
જો નોકરી ઉપલબ્ધતાની વાત કરીએ તો કર્ણાટકમાં સૌથી વધારે 45,764 નોકરીઓ ઉપલબ્ધ કરવામાં આવી, મહારાષ્ટ્રમાં 42,506 નોકરી સાથે બીજા નંબર પર છે. પશ્ચિમ બંગાળમાં 40,417, ઉત્તર પ્રદેશમાં 30,428, ગુજરાતમાં 20,081, મધ્યપ્રદેશમાં 13,739 નોકરીઓ આ પોર્ટલ પર ઉપલબ્ધ છે. જમ્મૂ-કાશ્મીરમાં 274 નોકરીઓ છે. હાલમાં 3 લાખથી વધારે ઉપલબ્ધ નોકરીઓમાં માત્ર 21,334 સરકારી નોકરીઓ છે, જ્યારે 23,010 રિટાયર્ડ સૈનિકો માટે,જ્યારે 4886 નોકરીઓ મહિલાઓ માટે છે. દિવ્યાંગ લોકો માટે 208, એપ્રેન્ટિસ માટે 347 છે.