ભારતીય ઓફ સ્પિનર રવિચંદ્રન અશ્વિન મેદાન પર ખૂબ સંયમિત લાગે છે પરંતુ તેની સાથે થોડા વર્ષો પહેલા એક ભયાનક ઘટના બની હતી. અશ્વિનને તેની સામેની ટીમના ખેલાડીઓએ એવી ધમકી આપી હતી કે જો તે મેચમાં રમશે તો તેઓ તેની આંગળી કાપી નાખશે.
અશ્વિને કહ્યું કે જ્યારે તે ટેનિસ બોલથી ટૂર્નામેન્ટમાં રમી રહ્યો હતો ત્યારે કેટલાક છોકરાઓએ તેને ડરાવી દીધો હતો. તેણે કહ્યું, "હું અને મારો મિત્ર ટેનિસ બોલ ટૂર્નામેન્ટની ફાઈનલમાં રમવા માટે તૈયાર હતા, પરંતુ કંઈક એવું બન્યું કે હું ફાઇનલ મેચમાંથી પાછો હટી ગયો.
ત્યારે હું 14-15 વર્ષનો હતો જયારે 4-5 છોકરાઓનું એક ગ્રુપ મને ચાની કીટલી ઉપર લઇ ગયું. ત્યાં તેમણે મને ઈડલી વડા ખાવા માટે જણાવ્યું. હું ભયભીત હતો પણ તેમણે મને આશ્વાસન આપ્યું કે તેમણે મારા ખાવામાં કશું ભેળવ્યું નથી.
ત્યાર બાદ તેમણે મેં તેમને જ્યાં મેચ હતી એ સ્થળે મૂકી જવા માટે કહ્યું તો તેમણે જણાવ્યું કે તેઓ સામેની ટીમના સભ્યો છે અને તેઓ નથી ઇચ્છતા કે હું ફાઈનલ મેચ રમું. તેમણે મને એવી ધમકી પણ આપી કે જો હું ફાઇનલમાં રમીશ તો તેઓ મારી આંગળી કાપી નાખશે."
પિતાને ટેનિસ બોલથી અશ્વિનનું રમવું પસંદ નહોતું
તેણે કહ્યું, '"મારો મિત્ર મને ટેનિસ બોલ ટૂર્નામેન્ટ રમવા માટે કહેતો, પણ મારા પિતાને તે ગમતું નહીં. તે ક્યારેય ઇચ્છતા ન હતા કે હું સડક ઉપર ક્રિકેટ મેચ રમું." તેણે વધુમાં કહ્યું, 'જ્યારે તે છોકરાઓએ મને ગભરાવ્યો ત્યારે મેં તેમને કહ્યું કે મારા પિતા સાંજે 4 વાગ્યે ઘરે આવે છે તો તમે પ્લીઝ મને ઘરે મૂકી દો. મારા ઘણી વાર કહેવા પર તેઓ સંમત થઈ ગયા કે હું મેચમાં નથી રમી રહ્યો."
અશ્વિને કહ્યું કે ઘણી વાર રિકવેસ્ટ કર્યા પછી છોકરાઓએ તેને છોડી દીધો. અશ્વિન ઘરે પહોંચતાંની સાથે જ તેના પિતા પણ ઘરે આવી ગયા. જ્યારે પપ્પાએ તેને પૂછ્યું કે તે છોકરાઓ કોણ છે ત્યારે તેણે પહેલા કહ્યું કે તેના મિત્રો છે પણ બાદમાં તેણે બધી વાત સાચી કહી દીધી.
362 ટેસ્ટ વિકેટ, 4 શતક
અશ્વિને 70 ટેસ્ટમાં કુલ 362 વિકેટ ઝડપી છે જ્યારે તેની 111 વનડેમાં 150 વિકેટ છે. તેણે 96 ટેસ્ટ ઇનિંગ્સમાં 2385 રન બનાવ્યા છે જેમાં 4 સદી અને 11 અડધી સદીનો સમાવેશ છે.