જૂથ અથડામણ / નવસારીમાં હોળી બની લોહિયાળ : બે જૂથ વચ્ચે નજીવી બાબતે મારામારી થતાં એકનું મોત

• નવસારીના સંદલપુરમાં ધુળેટી બની લોહિયાળ
• ક્રિકેટ રમવા જેવી સામાન્ય બાબતે યુવકની હત્યા
• સમગ્ર વિસ્તારમાં પોલીસ કાફલો ખડકાયો

નવસારીમાં હોળી-ધૂળેટીનો પર્વ લોહીયાળ બન્યો હતો. નવસારીના ધોળાપીપળા પાસે આવેલ સંદલપોર ગામ બે જૂથો વચ્ચે મોડી રાત્રે ક્રિકેટ રમવા બાબતે ઝઘડો થતાં અથડામણ થયું હતું. જેમાં એકનું મોત નીપજ્યું હતું. 

ક્રિકેટ રમવા જેવી સામાન્ય બાબતે યુવકની હત્યા

ઉલ્લેખનીય છે કે, બપોરના સમયે ક્રિકેટ રમવા બાબતે બોલાચાલી થતાં રાત્રે મામલો વધુ ઉશ્કેરાતા અથડામણ થઈ હતી. ઘટનાની જાણ નવસારી ગ્રામ્ય પોલીસને થતાં ગ્રામ્ય પોલીસના અધિકારીઓ ઘટના સ્થળ પર પહોંચ્યા હતા.  કોઈ અનિચ્છનીય ઘટના ન બને એ માટે પોલીસ બંદોબસ્ત ગોઠવાયો. પોલીસે હત્યાનો ગુનો નોંધી વધુ તપાસ હાથ ધરી છે.

ગઈકાલે અમદાવાદમાં નજીવી બાબતે મોટી બબાલ થઈ હતી.

મહત્વનું છે કે, ગત રોજ અમદાવાદના ગોમતીપુરમાં આમ્રપાલી સિનેમા નજીક રંગ નાખવા બાબતે મોટી બબાલ થતાં પથ્થરમારો થયો હતો. આ ઘટનામાં ટોળાએ 10 જેટલા લોડિંગ ટેમ્પાના કાચ તોડવામાં આવ્યા છે. બાદમાં વાહનોને નુક્શાન કરી ફરાર થઈ ગયા હતા. આ ઘટનાની જાણ અમદાવાદ પોલીસને થતાં તુરંત જ ઘટના સ્થળે SRP પોલીસનો ચૂસ્ત બંદોબસ્ત કરી દેવામાં આવ્યો હતો.