અકસ્માત / સુરતમાં BRTSએ સગર્ભા મહિલાને અડફેટે લીધી, જાણો પછી લોકોએ શું કર્યું

• ભાવનગરમાં તળાજા પાસે અકસ્માત થતાં એકનું મોત નિપજ્યું
• બોરડા ગામ પાસે ખાનગી બસે પલ્ટી મારી
• સુરતમાં BRTSનો વધુ એક અકસ્માત

બોરડા ગામ પાસે ખાનગી બસે પલ્ટી મારી

ભાવનગરમાં તળાજાનાં બોરડા ગામ પાસે વધુ એક અકસ્મતની ઘટના બની છે. ખાનગી બસે પલટી મારતા એક વ્યકતિનું મોત નિપજ્યું છે. અમદાવાદથી ઉના જતી બસને અકસ્માત નડયો છે. બસનાં ચાલકે કાબુ ગુમાવતાં અકસ્માત સર્જાયો છે. આ બસમાં 25 કરતા વધું મુસાફરોને સામાન્ય ઈજા થઈ છે. તો ઈજાગ્રસ્તોને સરવાર માટે હોસ્પિટલ ખસેડવામાં આવ્યાં છે.

સુરતમાં BRTSનો વધુ એક અકસ્માત

સુરતમાં BRTSનો વધુ એક અકસ્માત સર્જાયો છે. સુરતનાં પાલ RTO નજીક BRTSએ સગર્ભાને અડફેટે લેતા તે ઈજાગ્રસ્ત થઈ હતી. જેને પગલે સગર્ભા અનિતા અર્જુન સરવૈયા નામની મહિલાને હોસ્પિટલમાં દાખલ કરવામાં આવી હતી.  મહિલાને 7 માસનો ગર્ભ છે. અકસ્માત સર્જનાર બસ ચાલક ભાગવાનો પ્રયાસ કર્યો હતો. જોકે સ્થાનિકોએ તેને ઝડપી પાડ્યો હતો.  અકસ્માતનાં પગલે લોકોમાં રોષની લાગણી ફેલાઈ હતી.  બીજી તરફ અડજણ પોલીસ ઘટના સ્થળે પહોંચી તપાસ હાથ ધરી હતી.