ક્રિકેટ / ફરી એક વખત ગ્રાઉન્ડ પર પીચ સૂકવવા માટે જેનો ઉપયોગ થયો તેની તસવીર વાયરલ

• ગ્રાઉંન્ડસમેન કપડા પ્રેસ કરવાની મશીનથી ભીની પીચને સુકવી રહ્યાં છે
• BCCIને દર વર્ષે સાધનો ખરીદવા માટે 25-30 કરોડ મળે છે

BCCIને સમગ્ર વિશ્વમાં સૌથી અમીર ક્રિકેટ બોર્ડ માનવામાં આવે છે. તેમની પાસે સાધનો પણ ઓછા નથી. પરંતુ BCCIની બિહાર ટ્રોફી શરુ થયાં પહેલાની થોડા હેરાન કરી દે તેવી તસ્વીરો સામે આવી છે. તસ્વીરમાં જોવા મળી રહ્યું છે કે ગ્રાઉંન્ડસમેન કપડા પ્રેસ કરવાની મશીનથી ભીની પીચને સુકવી રહ્યાં છે. આ તસ્વીર હાલની કમલા ક્લબ મેદાનની છે. 

હાલ, કાનપુરમાં કમલા ક્લબ ક્રિકેટ ગ્રાઉંન્ડમાં ઉતરપ્રદેશ અને દિલ્હી વચ્ચે કૂચબિહાર ટ્રોફી ચાલી રહી છે. પરંતુ મેચ પહેલા સોમવારે સવારે ગ્રાઉંન્ડસમેન કપડા પ્રેસ કરવાના મશીનથી પીચ સુકવી રહ્યાં હતાં. જ્યારે અન્ય કર્મચારી કાદવને રેતીથી સંતુલિત કરી રહ્યાં હતા. BCCIને દર વર્ષે સાધનો ખરીદવા માટે 25-30 કરોડ મળતા હોવા છતાં ગ્રાઉંન્ડને સૂકવવા માટે પ્રથમ વખત કાનપુરના ઇતિહાસમાં પીચ સૂકવવા માટે કપડાના પ્રેસનો ઉપયોગ થાય છે.