મહામારી / લોકોને ઓમિક્રોનથી બચાવવા હશે તો આ 3 ઉપાય કરવા પડશે, આદિત્ય ઠાકરેએ કેન્દ્રને લખ્યો પત્ર

• મહારાષ્ટ્ર સરકારના મંત્રી આદિત્ય ઠાકરેનો કેન્દ્રને પત્ર 
• વેક્સિનના ડોઝ વચ્ચેની ગેપ ઘટાડો
• દેશમાં બૂસ્ટર ડોઝની મંજૂરી આપો 

મનસુખ માંડવિયાને લખેલા પત્રમાં આદિત્ય ઠાકરેએ જણાવ્યું કે કોરોના વેક્સિનના બન્ને ડોઝની વચ્ચેના અંતરને ઘટાડીને 4 અઠવાડિયા કરવામાં આવે. બીજો ઉપાય સૂચવતા ઠાકરેએ જણાવ્યું કે દેશમાં બૂસ્ટર ડોઝ આપવાની પણ મંજૂરી મળવી જોઈએ અને વેક્સિનેશનની ઉંમર ઘટાડીને 15 વર્ષ કરી દેવી જોઈએ. 

I’ve written to Health Minister (GoI) Shri @mansukhmandviya ji, a few suggestions that have come from various interactions with doctors and those closely observing the covid situation closely, so that we can protect our citizens in the light of newly emerging variants. pic.twitter.com/XZcdXFNOYM

— Aaditya Thackeray (@AUThackeray) December 7, 2021

લોકોને કોરોનાથી બચાવવા હશે તો આ 3 ઉપાય કરવા પડશે-ઠાકરે 

આદિત્ય ઠાકરેએ પત્રમાં લખ્યું કે લોકોને કોરોનાથી બચાવવા હશે તો આ 3 ઉપાય કરવા પડશે. તેમણે કહ્યું કે વર્ષની શરુઆતમાં જે હેલ્થકેર વર્કર્સને કોરોના વેક્સિન અપાઈ હતી તેમને બૂસ્ટર ડોઝ આપવામાં આવે. સેકન્ડરી સ્કૂલ અને જુનિયર કોલેજમાં ભણી રહેલા કિશોરોના વેક્સિનેશનની તરફદારી કરતા તેમણે કહ્યું કે વેક્સિનેશનની ઓછામાં ઓછી ઉંમર 15 કરી દેવી જોઈએ. 

આદિત્ય ઠાકરે સૂચવ્યા આ 3 ઉપાય
(1) કોરોના વેક્સિનના બન્ને ડોઝની વચ્ચેના અંતરને ઘટાડીને 4 અઠવાડિયા કરવામાં આવે.
(2)  દેશમાં બૂસ્ટર ડોઝ આપવાની પણ મંજૂરી આપો
(3) વેક્સિનેશનની ઉંમર ઘટાડીને 15 વર્ષ કરી દેવી જોઈએ