તમારા કામનું / બંધ થયેલી LIC પોલિસીને રિવાઈઝ કરવાની છેલ્લી તક, જલ્દી કરો કાલે ખતમ થઈ રહી છે આ ઓફર

• LIC પોલિસી બંધ થઈ ગઈ હોય તો વાંચી લેજો 
• ફરી શરૂ કરવાનો કાલ સુધી છે મોકો 
• જાણો તમારે શું કરવું પડશે

ભારતીય જીવન વીમા કોર્પોરેશને લેપ્સ્ડ થયેલી વીમા પોલિસીને સસ્તામાં રિવાઈઝ કરવા માટે એક ખાસ અભિયાન શરૂ કર્યું છે. LICનું આ અભિયાન 7 ફેબ્રુઆરીએ શરૂ થયું હતું જે 25 માર્ચે સમાપ્ત થઈ રહ્યું છે. આ ઓફર એલઆઈસી પોલિસીધારકો માટે તેમની પોલિસીને પુનર્જીવિત કરવા, જીવન વીમો પુનઃસ્થાપિત કરવા અને તેમના પરિવારો માટે નાણાકીય સુરક્ષા સુનિશ્ચિત કરવાની ઉત્તમ તક છે.

25 માર્ચ સુધી રિવાઈઝ કરો પોલિસી
LICએ કહ્યું છે કે જે પોલિસી પ્રીમિયમ ભરવાની મુદત દરમિયાન લેપ્સ થઈ ગઈ હોય અને પોલિસીની મુદત પૂરી ન કરી હોય તો આવી પોલિસી 25 માર્ચ સુધી રિવાઈઝ કરી શકાય છે. આ માટે લેટ ફાઈન ભરવો પડશે અને પોલિસી તરત જ શરૂ થઈ જશે. એલઆઈસીએ આ માટે ખાસ ઓફર શરૂ કરી છે જે 7 ફેબ્રુઆરીથી ચાલી રહ્યું છે અને 25 માર્ચ સુધી ચાલશે. જે લોકો આ ઓફરનો લાભ લેવા માગતા હોય તેમણે 25 માર્ચ સુધીમાં લેટ ફી ભરીને પોલિસી શરૂ કરવાની રહેશે.

લેટ ફીમાં આપવામાં આવી રહી છે છૂટ 
વીમા કંપનીએ જણાવ્યું હતું કે હાલના સંજોગોને ધ્યાનમાં રાખીને ચૂકવવામાં આવેલા કુલ પ્રીમિયમના આધારે ટર્મ ઈન્સ્યોરન્સ અને ઉચ્ચ જોખમવાળી યોજનાઓ સિવાય અન્ય માટે લેટ ફીમાં છૂટ આપવામાં આવી રહી છે. મેડિકલ રિક્વાયરમેન્ટમાં કોઈ છૂટછાટ નથી. હેલ્થ ઈન્શ્યોર્નસ અને માઈક્રો વીમા યોજનાઓ માટે પણ લેટ ફીમાં છૂટ આપવામાં આવી રહી છે. LIC દ્વારા માઈક્રો ઈન્શ્યોર્નસ  પ્લાન પર લેટ ફી પર સંપૂર્ણ છૂટ આપવામાં આવી રહી છે.

જાણો કેટલી મળે છે છૂટ 
1 લાખની મર્યાદા સુધીના LIC પ્રીમિયમની ચુકવણી માટે, લેટ ફીમાં 20 ટકાની છૂટ એટલે કે મહત્તમ રૂ. 2,000ની છૂટ મળશે. રૂ. 1 લાખથી રૂ. 3 લાખની રેન્જમાં LIC પ્રીમિયમની ચુકવણી પર 25 ટકા અથવા મહત્તમ રૂ. 2,500ની લેટ ફીની છૂટ છે. જો LIC પ્રીમિયમની ચુકવણી રૂ. 3 લાખની મર્યાદાથી વધી જાય તો લેટ ફી માટે 30 ટકા અથવા મહત્તમ રૂ. 3000ની છૂટ છે.

LIC મુજબ આવી પોલિસીઓ જેમનું પ્રીમિયમ ચુકવણી વાળા ટર્મમાં લેપ્સ થઈ ચુક્યું છે અને જેની પોલિસીની મુદત રિવાઈઝ તારીખ સુધી તેની પોલિસી ટર્મ પૂર્ણ થઈ નથી, તેને આ ઓફરમાં રિવાઈવ કરી શકાય છે. કોવિડની પરિસ્થિતિને ધ્યાનમાં રાખીને એલઆઈસીએ આ અભિયાન શરૂ કર્યું છે. કોવિડ દરમિયાન ઘણી પોલિસી લેપ્સ થઈ છે કારણ કે બગડતી આર્થિક સ્થિતિને કારણે લોકોએ પ્રીમિયમ ભરવાનું બંધ કરી દીધું છે. કોવિડમાં એક મહત્વની વાત સામે આવી છે કે પોલિસી હોવી જરૂરી છે કારણ કે તે ખરાબ પરિસ્થિતિઓમાં ઘણી મદદ કરે છે.