દિલ્હી હિંસા / દિલ્હીમાં પરિસ્થિતિ કાબૂમાં લેવા હવે ભારતના આ પાવરફૂલ પર્સન મેદાનમાં, અત્યાર સુધીમાં 20ના મોત

• અજીત ડોભાલે ઘટના સ્થળની મુલાકાત લીધી હતી
• બેઠકમાં NSAનાં અજીત ડોભાલ પણ બેઠકમાં હાજર રહેશે
• PM મોદીને દિલ્હીની સ્થિતી અંગે માહિતી મેળવશે

દિલ્હીમાં હિંસાના મુદ્દે બેઠકમાં ચર્ચા કરવામાં આવશે

થોડીવારમાં કેન્દ્રીય કેબિનેટની બેઠક શરુ થવા જઈ રહી છે. દિલ્હીમાં હિંસાના મુદ્દે બેઠકમાં ચર્ચા કરવામાં આવશે.  બેઠકમાં NSAનાં અજીત ડોભાલ પણ બેઠકમાં હાજર રહેશે. તેમજ PM મોદીને દિલ્હીની સ્થિતી અંગે માહિતી પણ આપશે. કેમ કે અજીત ડોભાલે ઘટના સ્થળની મુલાકાત કરી હતી. સરકારે ડોભાલને દિલ્હીની જવાબદારી સોંપી છે.

ગત રાતે અજીત ડોભાલે ઘટના સ્થળની મુલાકાત લીધી હતી

દિલ્હીમાં ભડકેલી હિંસાથી NSA અજિત ડોભાલે પણ હિંસા પ્રભાવિત વિસ્તારોની મુલાકાત લીધી હતી. અજિત ડોભાલે પરિસ્થિતિનો તાગ મેળવ્યો હતો. નોર્થ ઈસ્ટ દિલ્હીના DCP ઓફિસમાં અજિત ડોભાલે બેઠક કરી  હતી. આ બેઠકમાં ઉચ્ચ અધિકારીઓ સાથે બેઠક કરીને સ્થિતિની સમીક્ષા કરવામાં આવી હતી. બેઠકમાં નોર્થ ઈસ્ટના DCP, સ્પેશિયલ પોલીસ કમિશનર સહિતના અધિકારીઓ હાજર હતા. અજિત ડોભાલે સીલમપુર પહોંચીને પરિસ્થિતિનો તાગ મેળવ્યો હતો.

આ હિંસાને પગલે અમિત શાહ 3 બેઠક કરી ચૂક્યા છે

દિલ્હીની હિંસામા 20 લોકોના મોત નિપજ્યા હતા. તેમજ 200 લોકો ઈજાગ્રસ્ત થયા હતા. ઈજાગ્રસ્તને હોસ્પિટલ દાખલ કરા માટે રસ્તો મળી રહ્યો ન હોવાથી હાઈકોર્ટના જજના ઘરે અડધી રાતે સુનવણી કરવામાં આવી હતી. આ હિંસાને પગલે અમિત શાહ 3 બેઠક કરી ચૂક્યા છે.