કામની વાત / સરકારે શરૂ કરી નવી સુવિધા, હવે તમારા ફોનમાં રાખી શકશો 5 લોકોના Aadhaar

• આધારકાર્ડ માટે નવી સુવિધા
• 5 લોકોની પ્રોફાઇ કરી શકાશે ઍડ
• UIDAI લઇને આવ્યુ નવી સુવિધા

આ ઍપને ડાઉનલોડ કર્યા બાદ યુઝર્સને પેપર ફોર્મેટમાં આધારકાર્ડ કેરી કરવાની જરૂર નથી. UIDAI હવે પોતાના ગ્રાહકો માટે ખાસ સુવિધા લઇને આવ્યું છે. હવે તમે mAdhar ઍપમાં 5 પ્રોફાઇલ એડ કરી શકો છો. 

UIDAIએ કર્યુ ટ્વિટ
UIDAIએ ટ્વિટ દ્વારા ઍપ ડેવલપમેન્ટની જાણકારી આપી છે. ટ્વિટમાં લખ્યું છે કે આ ઍપમાં તમે 5 પ્રોફાઇલને ઍડ કરી શકો છો. પહેલા માત્ર 3 પ્રોફાઇલ ઍડ કરવાની સુવિધા હતી. 

એમઆધાર ઍપને એન્ડ્રોઇડ યુઝર્સ ગૂગલ પ્લે સ્ટોરથી ડાઉનલોડ કરી શકો છો અને પ્રોફાઇલ ઍડ કરી શકો છો. પ્રોફાઇલ ઍડ કરતી વખતે આ વાતનું ધ્યાન રાખો કે તમારા પાંચેય આધારકાર્ડમાં એ જ મોબાઇલ નંબર હોવો જોઇએ જે મોબાઇમાં તમે યુઝ કરી રહ્યાં છો. મહત્વનું છે કે તમે 5 આધાર ઍડ તો કરી શકો છો પરંતુ તમે એક વારમાં એક જ આધારનો ઉપયોગ કરી શકો છો. 

કેવી રીતે ઍડ કરશો પ્રોફાઇલ 

• તમારે આ ઍપને ઇન્સ્ટોલ કરવી પડશે.
• હવે 12 ડિજીટનો આધાર નંબર નાંખો
• બધી જાણકારી ફીલ કરો અને વેરિફાઇ કરો
• હવે તમારા રજીસ્ટર્ડ નંબર પર ઓટીપી આવશે
• તેને ફીલ કરો
• હવે તમારી પ્રોફાઇલ ઍડ થઇ જશે

કેવી રીતે ડિલીટ કરી શકાય છે પ્રોફાઇલ

• એમઆધાર ઍપ પર પોતાની પ્રોફાઇલ ઓપન કરીને ટોપ રાઇટ મેનુ પર ક્લિક કરો
• ડિલીટ પ્રોફાઇલનો વિકલ્પ સિલેક્ટ કરો
• તે બાદ તમારી પ્રોફાઇલ ઍપથી ડિલીટ થઇ જશે

કેટલી ભાષાઓમાં મળે છે સુવિધા 
આ ઍપમાં તમને 12 અલગ અલગ ભાષાઓમાં સુવિધા મળશે. જેમાં હિન્દી અને અંગ્રેજી સિવાય અસમી, બંગાળી, ગુજરાતી, કન્નડ, મલયાલમ, મરાઠી, ઉડીયા, પંજાબી, તમિલ, તેલૂગુ અને ઉર્દુમાં સુવિધા મળશે.