તમારા કામનું / વિકેન્ડ પર ફરવા જતા પહેલા કારમાં મુકી દો આ વસ્તુ, નહીં તો ટોલ પ્લાઝા પર થવું પડશે હેરાન 

• FASTAg દ્વારા ચુકવણી પર મળશે અમુક છુટ 
• ટોલ પ્લાઝાની લાંબી લાઈનોમાં નહીં ઉભુ રહેવું પડે
• ફાસ્ટેગ નહીં હોય તેને થર્ડ પાર્ટી ઈન્શ્યોરન્સનો ફાયદો પણ નહીં આપવામાં આવે

રોડ ટ્રિપ દ્વારા સફર કરનાર લોકો માટે ખુશખબરી છે.  જે લોકો પોતાના વાહન પર જ લાંબી સફર કરે છે તેમને હવે ઓછામાં ઓછે સમય લાગશે તેને પુરો કરવામાં. સાથે જ તેના ખર્ચમાં પણ ઘટાડો થશે. હકીકતે કેન્દ્રીય માર્ગ પરિવહન અને હાઇવે મંત્રાલયે દેશભરના દરેક નેશનલ હાઈવે પરના ટોલ પ્લાઝા પર FASTAg દ્વારા ટોલ લેવાનું શરૂ કરી દીધું છે. જેના કારણે હવે તેમને ટોલ પ્લાઝાની લાંબી લાઈનોમાં નહીં ઉભુ રહેવું પડે.

તેની સાથે જે લોકો  FASTAg દ્વારા ટોલ ટેક્સની ચુકવણી કરશે તેમને ટોલ ટેક્સમાં અમુક છુટ પણ મળશે. એવામાં તમારે હવે રસ્તા દ્વારા જે પણ જર્ની કરવાનાં સમય લાગતો હતો તે ઓછો થઈ જશે સાથે જ તમારા પૈસા પણ બચશે. તેની સાથે જ FASTAg યૂઝ કરવાના ઘણા બીજા ફાયદા છે. 

FASTAg ન હોવા પર આપવો પડશે ડબલ ટેક્સ 
જો તમે હજુ સુધી પોતાના વાહન પર ફાસ્ટેગ નથી લગાવ્યું તો તમે જલ્દી જ લગાવી લો. કારણ કે, હવે ટોલ પ્લાઝા પર ફાસ્ટેગ ન હોવા પર વાહનો પાસેથી ડબલ ટેક્સ વસૂલવામાં આવે છે. એવામાં તમારા ખીસ્સા પર વધારે બોજો પડશે અને તમારી જર્ની વધારે મોંઘી થઈ જશે. ત્યાં જ સરકારે સ્પષ્ટ કહી દીધું છે કે જે વાહનો પર ફાસ્ટેગ નહીં હોય તેને થર્ડ પાર્ટી ઈન્શ્યોરન્સનો ફાયદો પણ નહીં આપવામાં આવે. તેની સાથે જ ફિટનેસ સર્ટિફિકેટ અને આરસીને રિન્યૂ કરાવવા માટે પણ વાહન પર ફાસ્ટેગ હોવું જરૂરી છે.