અદાણીએ વધાર્યા સીએનજીના ભાવમાં મહિનામાં બીજી વખત ભાવ વધારો કર્યો છે. કંપનીએ CNGમાં કિલોદીઠ 95 પૈસાનો વધારો કર્યો.
CNG પણ થયું મોંઘુ
અદાણી CNG ગેસમાં ફરી ભાવ વધ્યા
CNGનો ભાવ વધીને રૂ. 54.62 થયો
અદાણીએ CNGમાં કિલોદીઠ 95 પૈસાનો વધારો
અદાણી ટોટલ ગેસ લિમિટેડે ગુજરાતમાં અમદાવાદ, સુરેન્દ્રનગર, બરવાળા, ખેડા અને નવસારીમાં પણ સીએનજીનો ભાવમાં વધારો કર્યો છે. અમદાવાદમાં પીએનજીના ભાવમાં પણ કરાયો વધારો.
જાણો ક્યાં કેટલા વધ્યા ભાવ
અમદાવાદમાં સીએનજીમાં ભાવ 53.67 રૂપિયે કિલોથી વધારીને 54.62 રૂપિયા કરાયો. ખેડા, સુરેન્દ્રનગર, બરવાળા અને નવસારીમાં હવે કિલોએ 54.46 રૂપિયા આપવા પડશે. ઉલ્લેખનીય છે કે અદાણીએ CNGમાં કિલોદીઠ 95 પૈસાનો વધારો કર્યો છે. અદાણી CNGનો ભાવ વધીને રૂ. 54.62 થયો છે. આ પહેલાં પણ 30 જાન્યુઆરીના CNGમાં રૂ.1નો ભાવવધારો કંપનીએ કર્યો હતો. આ સાથે PNGના ભાવમાં કિલોદીઠ રૂ. 1.29નો વધારો કંપનીએ કર્યો છે. પેટ્રોલ ડીઝલના ભાવની સાથે આ વધારો લોકોને માટે મુશ્કેલી વધારનારો સાબિત થઈ રહ્યો છે.
એક જ મહિનામાં બીજી વખત થયો ભાવ વધારો
પેટ્રોલ-ડીઝલ, અને રાંધણ ગેસના ભાવ વધારાની સાથે હવે આ સીએનજી અને પીએનજીના ભાવવધારાએ પ્રજાને વધુ એક ઝટકો આપ્યો છે. કંપનીએ આ ભાવવધારો અમદાવાદ ઉપરાંત ખેડા, સુરેન્દ્રનગર, બરવાળા અને નવસારી વિસ્તારમાં લાગૂ કરવામાં આવશે. એક જ મહિનામાં બીજી વખત કરાયેલા ભાવવધારાથી ગ્રાહકો નારાજ થઈ રહ્યા છે અને સાથે જ તેમની મુશ્કેલી પણ વધી રહી છે.
અમદાવાદમાં સીએનજીના ભાવમાં કિલોએ 95 પૈસાનો વધારો
અમદાવાદમાં સીએનજીના ભાવમાં કિલોએ 95 પૈસાનો વધારો કર્યો છે. અત્યાર સુધી તે 53.67 રૂપિયે કિલો મળતા હતા પરંતુ હવે સીએનજીનો નવો ભાવ હવે 54.62 રૂપિયે કિલો થઈ ગયો છે. ખેડા, સુરેન્દ્રનગર, બાવળા અને નવસારીમાં કંપનીએ સીએનજીનો ભાવ 53.51 રૂપિયાથી વધારીને 54.46 રૂપિયા કરી દીધો છે. આ નવા ભાવ (ટેક્સ સાથે) 17 ફેબ્રુઆરીથી અમલમાં આવી ગયો હોવાનું કંપનીની વેબસાઈટ પર જણાવાયું છે.
પીએનજીના ભાવમાં પણ વધારો કર્યો
અદાણી ટોટલ ગેસ લિમિટેડે અમદાવાદમાં ઘરેલુ વપરાશ માટેના પીએનજીનો ભાવ રૂ. 729.09 પર મેટ્રિક મિલિયન બ્રિટિશ થર્મલ યુનિટ્સ (MMBTU)થી વધારીને રૂ.762.96 પર MMBTU કરી દીધો છે. આ ટેરિફ કે જેમાં ટેક્સનો સમાવેશ થતો નથી. આ સાથે જ જો બે મહિને 2.20 MMBTU કરતા વધુ વપરાશ પર પીએનજીનો ભાવ રૂપિયા 874.91 પર MMBTUથી વધારીને 915.55 પર MMBTU કરી દેવાયો છે.