શરમજનક / વધુ ગેંગરેપ : મરતા પહેલા માને કહ્યું,‘બહું દુખાવો થઈ રહ્યો છે હવે હું નહીં બચું’, રેપ બાદ નરાધમોએ જે કર્યું તે હૃદય ચીરનારું

• હાથરસ બાદ બલરામપુરમાં 22 વર્ષીય દલિત યુવતી પર બદમાશોએ આચર્યું દુષ્કર્મ
• દુષ્કર્મ બાદ કમર અને બન્ને પગ ભાંગી નાખ્યા 
• ઘરે પહોંચ્યા બાદ પીડિતાએ તોડ્યો દમ 
• પોલીસે આ મામલે 2 આરોપીની કરી ધરપકડ 

ઉત્તરપ્રદેશના બલરામપુરના ગૈસડી કોતવાલી વિસ્તારની 22 વર્ષીય દલિત યુવતી  29 સપ્ટેમ્બરે સવારે 10 વાગે બીકોમમાં એડમિશન લેવા ઘરેથી નિકળી હતી. પરંતું ઘરે પાછી ન ફરતા સાંજે 5 વાગે પરિવારે તેની શોધ ખોળ હાથ ધરી હતી.  લગભત 7 વાગે પીડિત યુવતી એક રિક્ષામાં ખરાબ રીતે ઈજાગ્રસ્ત સ્થિતિમાં ઘરે પહોંચી હતી. 

મૃતક યુવતીની માતાનો આરોપ છે  કે તેની દીકરીને ઈન્જેક્શન લગાવીને હૈવાનિયતની આ ઘટનાને અંજામ અપાયો છે. તેની કમર અને બન્ને જાંઘ તોડી રિક્ષામાં બેસાડી ઘરે મોકલી દેવામાં આવી છે. જેનાથી તે કંઈ પણ બોલી શકતી નહોતી. તેણે ફક્ત એટલું જ કહ્યું કે, ‘બહું દુખાવો થઈ રહ્યો છે હવે હું નહીં બચું’ 

ઉત્તરપ્રદેશના હાથરસ બાદ બલરામપુરમાં પણ એક યુવતી સાથે હવસખોરોએ હેવાનિયતની તમામ હદ વટાવી બાદ કમર અને બન્ને પગ ભાંગીને રિક્ષામાં બેસાડીને ઘરે મોકલી દેવાઈ. જોકે પીડિતાએ ઘરે પહોંચ્યા બાદ પરિવારજનો સમક્ષ જ દમ તોડી દીધો. આ મામલે પોલીસે બે આરોપીની ધરપકડ કરીને જેલ હવાલે કર્યા છે.

પીડિતાએ પોતાની માતાને કહ્યું હતું કે ઘણો દુખાવો થઈ રહ્યો છે હવે હું નહીં બચું. પીડિતાના આ છેલ્લા શબ્દ હતા. ત્યાર બાદ પીડિતાએ દમ તોડી દીધો. જે રિક્ષામાં પીડિતા ઘરે આવી હતી. તેમાં લોહીના ડાઘા હતા. તો માર્ગમાંથી પીડિતાના જુતા પણ મળી આવ્યા છે. સૂત્રોનું માનીએ તો આરોપી શાહિદ અને સાહિલ ગૈંસડી ગામના રહેવાસી છે અને પીડિતાને મિત્રતાના બહાને બોલાવીને દુષ્કર્મ આચર્યું હતું. જોકે બલરામપુરના એસપી દેવ રંજન વર્માએ કહ્યું કે હાથ પગ અને કમર તોડવાની વાત સાચી નથી પોસ્ટ મોર્ટમ રિપોર્ટમાં તેની કોઈ ખરાઈ થઈ નથી.