PHOTOS / છેતરાઇ ન જતાં : યુરોપ નહી આ છે ભારતનું ગામ, તસવીરો જોઇને રહી જશો દંગ 

• કેરળનું આ ગામ છે યુરોપ જેવુ
• તસવીરો જોઇને રહી જશો દંગ 
• સ્થાનીક લોકોએ કરાવી મદદ 

કેરળનું ગામ યુરોપ સમુ

કેરળના કોઝીકોડ જિલ્લાના વડાકરા પાસે કારાકડ ગામમાં બનાવેલ આ પાર્કનું નામ વાગભટાનંદ પાર્ક છે. જેનું ઉદ્ધાટન પર્યટન મંત્રી કડકમપલ્લી સુરેન્દ્રને કર્યુ છે. જે બાજ સોશ્યલ મિડીયા પર આ તસવીરો વાયરલ થવા લાગી હતી. જેની તુલના યુરોપના દેશો સાથે થવા લાગી હતી. 

આ પાર્કમાં પાકો રોડ, તેની બાજુમાં ક્યારીઓ, શ્રેષ્ઠ યુરોપિયન ડિઝાઇન લાઇટ્સ અને ચિલ્ડ્રન પાર્ક બનાવવામાં આવ્યો છે. પોર્કના બંને તરફ બનાવેલ શૌચાલયમાં દિવ્યાંગ લોકો પણ જઇ શકે છે. માત્ર આટલુ જ નહી આ પાર્કના રસ્તામાં ટેક્ટિકલ ટાઇલ્સ લગાવવામાં આવી છે જેથી અંધ લોકો પણ આ રસ્તાનો આનંદ લઇ શકે. 

પર્યટન મંત્રીએ કર્યુ ઉદ્ધાટન

પર્યટન મંત્રીએ કહ્યું કે, આ પાર્કના કારણે આ ગામની તસવીર બદલાઇ જશે. આ પાર્કને બનાવવાનું સપનુ સ્થાનિય લોકોના સપોર્ટ વગર પૂરુ ન થાત, આ પાર્ક સૌથી પહેલા અહીંના સ્થાનીય લોકો માટે છે. હવે આ પાર્કને જોવા માટે લોકો દેશ-વિદેશથી આવશે. જેનાથી ગામના લોકોની આર્થિક અને સામાજીક સ્થિતિ પણ સુધરશે. 

અહીં પહેલાથી જ એક પાર્ક હતો પરંતુ તેની હાલત ખુબ જ ખરાબ હતી. જ્યારે પ્રશાસન અને સરકારે નવો પાર્ક બનાવવાની યોજના બનાવી ત્યારે સ્થાનીય લોકોએ પણ આમાં રસ લઇને ભાગ લીધો હતો. ડિઝાઇનીંગ, રિનોવેશન અને પાર્ક પુરો થાય ત્યા સુધીના આઇડીયાઝ લોકલ લોકોએ આપ્યા હતા. નિર્માણ સમયે સંપૂર્ણ સમય સ્થાનિક લોકોએ આપ્યો જેનાથી પાર્કની ખુબસુરતીમાં કોઇ જ પ્રકારની કમી ન રહી જાય. 

પાર્કનું નામ કાર્યકર્તા પરથી પડ્યુ

આ પાર્કનું નામ સ્થાનીય કાર્યકર્તા વાગભટાનંદ ગુરુના નામ પર રાખવામાં આવ્યુ છે. આ પાર્કને થોડો મોટો બનાવવામાં આવ્યો છે. જેથી લોકો આધુનિકતા સાથે વિલેજ વૉકનો આનંદ લઇ શકે છે. 

આ પાર્કને બનાવવામાં 2.80 કરોડ રૂપિયા લાગ્યા છે. પાર્ક બનાવવામાં કોન્ટ્રાક્ટર્સ કોપરેટિવ સોસાયટીએ મદદ કરી છે. જેની તસવીરો સોશ્યલ મિડીયા પર ખુબ જ વાયરલ થઇ રહી છે.