આભાર / Nora Fatehi ની ઈન્સ્ટાગ્રામ પર થઈ વાપસી, એકાઉન્ટ ડિલીટ થવા પાછળનું જણાવ્યું કારણ

• નોરાનું ઈન્સ્ટાગ્રામ એકાઉન્ટ એક્ટિવેટ થયુ
• નોરાએ ઈન્સ્ટાગ્રામ ટીમનો માન્યો આભાર
• 4 જાન્યુઆરીએ અચાનક ડીએક્ટિવેટ થયુ હતુ 

નોરાએ ઈન્સ્ટાગ્રામ ટીમનો માન્યો આભાર

નોરાનું એકાઉન્ટ ડીએક્ટિવેટ કેમ થયુ હતુ. જેની માહિતી નોરાએ જાતે આપી અને એકાઉન્ટ એક્ટિવેટ થયા બાદ ઈન્સ્ટાગ્રામનો આભાર પણ માન્યો. નોરા ફતેહીએ ઈન્સ્ટાગ્રામ પર વાપસી કર્યા બાદ ડીએક્ટિવેટ હોવાના કારણનો ખુલાસો કર્યો. અભિનેત્રીએ પોતાની ઈન્સ્ટાગ્રામ સ્ટોરી પર લખ્યું, સોરી guys ! મારા ઈન્સ્ટાગ્રામ એકાઉન્ટને હેક કરવાનો પ્રયાસ કરવામાં આવ્યો હતો. સવારથી કોઈ મારા એકાઉન્ટમાં ઘુસવાનો પ્રયાસ કરી રહ્યું હતુ. ઈન્સ્ટાગ્રામ ટીમનો આભાર માનુ છુ કે તેમણે તાત્કાલિક આ સમસ્યાને ઉકેલવામાં મારી મદદ કરી. 

નોરા અત્યારે દુબઈમાં છે

નોરા ફતેહી ઈન્સ્ટાગ્રામ પર ખૂબ સક્રિય છે અને ઈન્સ્ટાગ્રામ પર તેમને 37.6 મિલિયન લોકો ફોલો કરે છે. અભિનેત્રી અવાર-નવાર પ્લેટફોર્મ પર પોતાની બોલ્ડ તસ્વીરો શેર કરે છે, જેનાથી પ્રશંસકો હેરાન થાય છે. નોરા અત્યારે દુબઈમાં છે, જ્યાં તે વેકેશનની મજા માણી રહી છે. 

મ્યુઝીક વીડિયો 'ડાન્સ મેરી રાની' ખૂબ હિટ થયો હતો 

નોરાના વર્કફ્રન્ટની વાત કરીએ તો અભિનેત્રીનો પહેલાનો મ્યુઝીક વીડિયો ડાન્સ મેરી રાની ખૂબ હિટ થયો હતો. ગુરૂની સાથે નોરા ફતેહીની સારી કેમેસ્ટ્રી પણ ચર્ચામાં રહી હતી. આ ગીતને ગુરૂ રંધાવા અને જહરા એસ ખાને ગાયુ હતુ. જેને રશ્મિ વિરાગે લખ્યુ હતુ અને તનિષ્ક બાગચીએ કમ્પોઝ કર્યુ હતુ. ડાન્સ મેરી રાની નોરા ફતેહી અને ગુરૂ રંધાવાની વચ્ચે ફિલ્માવવામાં આવેલો બીજો મ્યુઝિક વીડિયો છે. બંનેએ પહેલા નાચ મેરી રાની ગીત પર સાથે કામ કર્યુ હતુ. એવી અફવાઓએ પણ જોર પકડ્યુ છે કે નોરા ફતેહી અને ગુરૂ રંધાવા એકબીજાને ડેટ કરી રહ્યાં છે.