મુઝફ્ફરનગરના શાહપુર પોલીસ વિસ્તારમાં યૂપીના ઉન્નાવ કાંડ જેવી ઘટના જાણવા મળી છે. અહીં એક ગામમાં સામૂહિક દુષ્કર્મના કેસમાં સમજૂતિ નહીં કરવાના લીધે આરોપીએ ઘરમાં ઘૂસીને પીડિતા પર એસિડ ફેંક્યો હતો.
મુઝફ્ફરનગરમાં બની ઉન્નાવ જેવી ઘટના
સામૂહિક દુષ્કર્મ કેસમાં સમજૂતિ નહીં કરવાના લીધે ભર્યું પગલું
આરોપીએ પીડિતાના ઘરે જઈ તેની પર ફેંક્યો એસિડ
પોલીસે રિપોર્ટ તો નોંધી લીધો પણ આરોપીઓને પકડી શક્યા નથી. આ ઘટના 3 દિવસ જૂની છે. શનિવારે પીડિતાએ એસએસપી પોલીસ સ્ટેશન પહોંચીને આરોપીઓને પકડવાની માંગણી કરી હતી. પીડિતાએ એસપીને કહ્યું કે ત્રણ મહિના પહેલાં પૂર્વ મુઝફ્ફરનગરથી આવતી સમયે ગામના જ ત્રણ લોકોએ કારમાં લિફ્ટ આપી અને મારી સાથે સામૂહિક દુષ્કર્મ કર્યું.
આ રીતે કર્યો હુમલો, આ લોકો હતા સામેલ
આ કેસમાં કોર્ટના આદેશ અનુસાર રિપોર્ટ નોંધવામાં આવ્યો હતો. તેમાં આરોપીએ સમજૂતીનું પ્રેશર રાખ્યું અને ધમકીઓ પણ આપી હતી. આરોપ છે કે 4 ડિસેમ્બરે વહેલી સવારે આરોપી શાહનવાઝ પુત્ર ઉમરદીન, આરિફ પુત્ર હબીબ, શરીફ પુત્ર હબીબ, શરીફ પુત્ર મીદૂ અને આબિદ પુત્ર અકબર પીડિતાના ઘરમાં ઘૂસ્યા અને પીડિતા પર એસિડ ફેંક્યો.
મહિલાના શરીરના મોટાભાગના ભાગ બળ્યા, આરોપીઓ ફરાર
મહિલાનો ચહેરો, ડાબો હાથ, પેટ, કમર અને ડાબો પગ પણ બળી ગયો હતો. પોલીસે મહિલાને જિલ્લા હોસ્પિટલ મોકલી અને પછી તેને મેરઠ રિફર કરવામાં આવી હતી. પાંચ ડિસેમ્બરે શાહપુર પોલીસ સ્ટેશનમાં ચારેય આરોપીઓની વિરુદ્ધમાં રિપોર્ટ નોંધવામાં આવી છે પરંતુ તેમની ધરપકડ કરવામાં આવી નથી.
કિશોરી સાથે કર્યું દુષ્કર્મ, ગર્ભવતી થતાં થયો ખુલાસો
જિલ્લાના તિતાવી પોલીસક્ષેત્રમાં લગભગ 5 મહિના પહેલાં ગામના જ એક કિશોર સાથે ખેતરમાં ગઈ હતી. કિશોરીની સાથે ગામના એક યુવક ચીનૂએ ડરાવી ધમકાવીને દુષ્કર્મ કર્યું. ત્યારબાદ તે કિશોરી સાથે જબરદસ્તી સંબંધ બનાવી રહ્યો હતો. આરોપીના ડરથી કિશોરી ચૂપચાપ શોષણ સહન કરતી. જેના પરિણામે તેને 4 મહિનાનો ગર્ભ રહ્યો. માતાએ પૂછ્યું તો તેણે આખી ઘટના કહી. કિશોરીના પિતાએ આરોપીની વિરુદ્ધ કાર્યવાહીની માંગ કરી. જ્યારે પોલીસ રિપોર્ટ કરવામાં આવ્યો ત્યારે ચીનૂને પકડી લેવામાં આવ્યો. આરોપીની વિરુદ્ધ દુષ્કર્મ અને પોક્સોએક્ટમાં કેસ નોંધાયો અને કિશોરીનું જિલ્લા હોસ્પિટલમાં મેડિકલ ચેકઅપ કરાવવામાં આવ્યું.