નવા વર્ષના પ્રારંભે 1 જાન્યુઆરી 2020થી રસોઇ ગેસ સિલન્ડરની કિંમતમાં વધારો કરવામાં આવ્યો છે. સતત ચોથા મહીને રસોઇ ગેસના સિલિન્ડરની કિંમતમાં વધારો થયો છે. દેશની આમ જનતાને સરકારે ફરી મોંઘવારીનો ઝટકો આપ્યો છે. દેશના પ્રમુખ નગરોમાં સબસીડી વગરના ગેસ સિલિન્ડરની કિંમતમાં અંદાજે 19 રૂપિયાનો વધારો થયો છે.
નવા વર્ષે ગેસ સિલિન્ડરની કિંમતમાં વધારો
સતત ચોથા મહીને સિલિન્ડરની કિંમત વધી
સરકારનો દેશની જનતાને મોંઘવારીનો ઝટકો
ગેસ સિલિન્ડર માટે ચુકવવા પડશે આટલા રૂપિયા
આજથી દિલ્હીમાં 14.2 કિલ્લોના સબસિડી વગરના ગેસ સિલિન્ડર માટે તમારે 714.00 રૂપિયા ચૂકવવા પડશે. કોલકાતામાં આ સિલિન્ડર માટે 747 રૂપિયા ચૂકવવાના રહેશે જ્યારે મુંબઇ અને ચેન્નાઇમાં 14.2 કિલ્લોના સબસિડી વગરના સિલિન્ડર માટે ક્રમશઃ 684.50 અને 734 રૂપિયા ચૂકવવાના રહેશે.
જ્યારે 19 કિલોગ્રામ સિલિન્ડરની કિંમત દિલ્હીમાં 1241 રૂપિયા થઇ ગઇ છે. કોલકાતામાં 1308 રૂપિયા, મુંબઇમાં 1190 રૂપિયા અને ચેન્નાઇમાં તેની કિંમત 1363 રૂપિયા થઇ ગઇ છે.
ગત મહિનામાં વધી હતી કિંમત
ડિસેમ્બરમાં દિલ્હીમાં 14.2 કિલોમાં સબસિડી વગરના સિલિન્ડર માટે તમારે 695 રૂપિયા ચૂકવવા પડતા હતા. કોલકાતામાં તેની કિંમત 725.50 રૂપિયા હતી. જ્યારે મુંબઇ અને ચેન્નાઇમાં 14.2 કિલ્લોના સબસિડી વગરના સિલિન્ડરની કિંમત ક્રમશઃ 665 અને 714 રૂપિયા હતી.