Saturday, August 24, 2019
સબસ્ક્રાઈબ કરો VTVGujarati ન્યુઝ Whatsapp

જમ્મૂ-કાશ્મીર / રાહુલ ગાંધીએ સ્વીકાર્યું રાજ્યપાલનું નિમંત્રણ, પૂછ્યું-ક્યારે આવી શકુ છું કાશ્મીર?

રાહુલ ગાંધીએ સ્વીકાર્યું રાજ્યપાલનું નિમંત્રણ, પૂછ્યું-ક્યારે આવી શકુ છું કાશ્મીર?

કોંગ્રેસના પૂર્વ અધ્યક્ષ રાહુલ ગાંધીએ જમ્મૂ-કાશ્મીરના રાજ્યપાલ સત્યપાલ મલિકનું આમંત્રણ સ્વીકારી લીધું છે. ટવિટરના માધ્યમથી રાહુલ ગાંધીએ જણાવ્યું છે કે, 'મલિક જી, મારા ટવિટર પર તમારો જવાબ મેં જોયો. હું જમ્મૂ-કાશ્મીરના પ્રવાસ કરવા તેમજ ત્યાંના લોકોની મુલાકાતનું નિમંત્રણ સ્વીકારુ છું. આમા કોઇપણ શરત નથી. હું ક્યારે આવી શકુ છું?'

  • જમ્મૂ-કાશ્મીર જવા રાહુલ ગાંધી તૈયાર
  • રાહુલ ગાંધીએ કોઇ શરત રાખી નથી
  • રાહુલ ગાંધીએ રાજ્યપાલને પૂછ્યું ક્યારે આવી શકું છું

આમ રાહુલ ગાંધીએ આડકતરી રીતે જમ્મૂ-કાશ્મીરના રાજ્યપાલ પર પ્રહાર કર્યો છે. રાહુલ ગાંધીએ સત્યપાલ મલિકની અટકમાં 'માલિક' શબ્દનો ઉપયોગ કર્યો છે. તેમનો ઇશારો જમ્મૂ-કાશ્મીરના રાજ્યપાલ હોવા પર હતો. 

આમ કોંગ્રેસના નેતા રાહુલ ગાંધીએ કાશ્મીર ઘાટીની હિંસા પરની ટીપ્પણી બાદ ફરી એકવાર રાજ્યપાલ સત્યપાલ મલિકના ટવિટનો જવાબ આપ્યો છે. જો કે રાહુલ ગાંધીએ ટવિટમાં રાજ્યપાલ મલિકને 'માલિકા' કહીને સંબોધન કરતાં કહ્યું કે હું જમ્મૂ-કાશ્મીર આવવના આપના નિમંત્રણનો સ્વીકાર કરુ છું. હું ત્યાં આવીને લોકોને મળવા ઇચ્છુ છું. તમે જણાવો હું ક્યારે આવી શકુ છું?


ઉલ્લેખનીય છે કે જમ્મૂ-કાશ્મીરના રાજ્યપાલ સત્યપાલ મલિકે ધારા-370માં કરાયેલા ફેરફાર બાદ જમ્મૂ-કાશ્મીરમાં હિંસાને લઇને આપેલા નિવેદનને લઇને કોંગ્રેસના પૂર્વ અધ્યક્ષ રાહુલ ગાંધી પર પલટવાર કર્યો હતો. સત્યપાલ મલિકે કહ્યું હતું કે કોંગ્રેસના પૂર્વ અધ્યક્ષને ઘાટીની મુલાકાત કરાવા તેમજ પરિસ્થિતિની સમીક્ષા લેવા માટે વિશેષ વિમાન મોકલીશ.

કોંગ્રેસના પૂર્વ અધ્યક્ષ રાહુલ ગાધીએ જમ્મૂ કાશ્મીરના રાજ્યપાલ સત્યપાલ મલિકના કાશ્મીર બોલાવવાના પ્રસ્તાવ પર જવાબ આપ્યો હતો. રાહુલ ગાંધીએ કહ્યું હતું કે વિપક્ષી નેતાઓના દળને જમ્મૂ કાશ્મીર જવાની મંજૂરી આપવામાં આવે તથા લોકોને મળવાની તક આપવામાં આવે. 
 

 

 

જોવા જેવું વધુ જુઓ

બ્રેકિંગ ન્યૂઝ