ભારે કરી / લો બોલો !ઓફિસના એક પણ મિત્રો લગ્નમાં ન આવ્યા, ગુસ્સે થયેલી દુલ્હને આપી દીધુ રાજીનામું

• ચીનથી સામે આવ્યો વિચિત્ર કિસ્સો 
• લગ્નમાં ઓફિસના મિત્રો ન આવવાથી ગુસ્સે થઈ દુલ્હન 
• ગુસ્સામાં નોકરીમાંથી આપી દીધુ રાજીનામુ 

કોઈપણ નોકરી છોડવી એ આપણી કારકિર્દીનો સૌથી મહત્વપૂર્ણ નિર્ણય છે. ઘણી વખત લોકો ઓફિસના વાતાવરણથી કંટાળીને અથવા સાથીદારો સાથે એડજસ્ટ ન થવાને કારણે નોકરી છોડવાનું નક્કી કરે છે અને ઘણી વખત પગારથી અસંતુષ્ટ થઈને રાજીનામું આપી દે છે. પરંતુ શું તમે ક્યારેય એવું સાંભળ્યું છે કે ઓફિસના મિત્રના લગ્નમાં હાજર ન રહેવાના કારણે કોઈ એટલું દુઃખી થઈ ગયું કે તેણે નોકરી છોડી દીધી. ચીનમાંથી આવો જ એક અજીબોગરીબ કિસ્સો સામે આવ્યો છે. 

ઓફિસમાંથી 70 મિત્રોને આપ્યું હતું આમંત્રણ 
દરેક વ્યક્તિ ઈચ્છે છે કે લોકો તેની ખુશીમાં ભાગ લે. તેના લગ્નના દિવસને લોકો મોટો બનાવે. પરંતુ જ્યારે આવું થતું નથી, ત્યારે ઘણી વાર લોકોનું દિલ તૂટી જાય છે. ચીનમાં એક છોકરી સાથે આવું જ કંઈક થયું. આ યુવતીના લગ્ન નક્કી થતાં તેણે પોતાની ઓફિસમાં કામ કરતા 70 મિત્રોને બોલાવ્યા હતા. તે ખૂબ ખુશ હતી. 

પરંતુ લગ્નના દિવસે આમંત્રિત સહકર્મીઓમાંથી માત્ર એક જ વ્યક્તિએ સેરેમનીમાં હાજરી આપી હતી. આ જોઈને યુવતી એટલી દુઃખી થઈ ગઈ કે તેણે એવું પગલું ભર્યું, જેના વિશે જાણીને તમે પણ દંગ રહી જશો.

બે મહિના પહેલા આપ્યું હતું આમંત્રણ, તેમ છતાં કોઈ ન આવ્યું 
દુલ્હન બનેલી યુવતીનું કહેવું છે કે તેણે બે મહિના પહેલા પોતાના લગ્ન માટે બધાને આમંત્રણ આપ્યું હતું. પરંતુ જ્યારે કોઈ ન આવ્યું ત્યારે તે ખૂબ જ દુઃખી થઈ ગઈ. કારણ કે તેના લગ્નમાં પહોંચેલી એક વ્યક્તિ તેની નીચે રહીને કામ શીખતી હતી. 

બીજા જ દિવસે આપી દીધુ રાજીનામું 
આવી સ્થિતિમાં યુવતીનું માનવું છે કે ઓફિસના સહકર્મીઓ માત્ર મિત્રો હોવાનો ડોળ કરી રહ્યા હતા અને તે તેના મિત્રો નથી. યુવતીએ જણાવ્યું કે સહકર્મીઓના ન આવવાથી છ ટેબલ પર સર્વ કરવામાં આવી શકે તેટલું ભોજન ફેંકવું પડ્યું સાથે જ મહેમાનોની સામે પરિવારને શરમમાં મુકાવવું પણ પડ્યું. આ વાતથી દુલ્હનને એટલી લાગી આવી કે તેણે બીજા જ દિવસે નોકરીમાંથી રાજીનામું આપી દીધું.