BIG NEWS / બજેટમાં કૃષિક્ષેત્રને શું મળ્યું? એક કરોડ ખેડૂતો કરશે પ્રાકૃતિક ખેતી, કિસાન સન્માન નિધિ માટે પણ મોટું એલાન

• સામાન્ય બજેટમાં સરકારે કૃષિ ક્ષેત્રને આપી એક મોટી ભેટ 
• કૃષિ ક્ષેત્ર માટે લોનનો લક્ષ્યાંક વધારીને રૂ. 20 લાખ કરોડ કરવામાં આવશે
• 1 કરોડ ખેડૂતોને પ્રાકૃતિક ખેતી માટે પ્રોત્સાહિત કરાશે
• કીટનાશક માટે 10 હજાર બાયોઈનપુટ સેન્ટર બનાવાશે

કેન્દ્રીય નાણામંત્રી નિર્મલા સીતારમણે સંસદ ભવનમાં નાણાકીય વર્ષ 2023-24 માટે સામાન્ય બજેટ રજૂ કર્યું છે. અમૃતકાળના આ પ્રથમ બજેટમાં નાણામંત્રી દ્વારા દેશના વિવિધ ક્ષેત્રોને ગતિ આપવા માટે ઘણી મોટી જાહેરાતો કરવામાં આવી છે. બજેટ રજૂ કરતા નિર્મલા સીતારમણે કૃષિ ક્ષેત્રને વધુ પ્રોત્સાહિત કરવા માટે ઘણી મોટી જાહેરાતો કરી છે.  ડિજીટાઈઝેશનએ દેશની અર્થવ્યવસ્થાને વેગ આપવામાં એક મોટી ભૂમિકા ભજવી છે. આવી સ્થિતિમાં સરકારે કૃષિ ક્ષેત્રમાં ડિજિટલ પબ્લિક ઇન્ફ્રાસ્ટ્રક્ચર લાગુ કરવા માટે ઘણી મોટી જાહેરાતો કરી છે. 

બજેટમાં ડિજિટલ પબ્લિક ઈન્ફ્રાસ્ટ્રક્ચર લાવવાનો ઉલ્લેખ 
આ અંગે કેન્દ્રીય નાણામંત્રી નિર્મલા સીતારમણે બજેટમાં ઘણી મોટી જાહેરાતો કરી છે. સરકાર આગામી વર્ષમાં કૃષિ ક્ષેત્રમાં સ્ટાર્ટઅપને પ્રોત્સાહન આપવા માટે પ્રાથમિકતા આપશે. બજેટમાં કૃષિ ક્ષેત્રમાં ડિજિટલ પબ્લિક ઈન્ફ્રાસ્ટ્રક્ચર લાવવાનો ઉલ્લેખ કરવામાં આવ્યો છે. આનાથી ખેડૂતોને પાકનો અંદાજ કાઢવામાં મદદ મળશે. તેનાથી પાકની ગુણવત્તામાં વધારો થશે. 
 
કૃષિ ક્ષેત્રમાં ડિજિટલ વિકાસ પર ભાર મૂકશે સરકાર
આ ઉપરાંત સરકારે એગ્રીટેક સહાયને પ્રાથમિકતા આપવાનો પણ ઉલ્લેખ કર્યો છે. સરકાર કૃષિ ક્ષેત્રમાં ડિજિટલ વિકાસ પર ભાર મૂકશે. તેનાથી ખેડૂતોની ઘણી મોટી સમસ્યાઓ હલ થશે. કૃષિ ક્ષેત્રને ડિજિટલ ઈન્ફ્રાસ્ટ્રક્ચર સાથે જોડવાથી ખેડૂતોને ખેતી કરવામાં પહેલાં કરતાં વધુ સુવિધા મળશે.

कृषि से जुड़े स्टार्ट अप को प्राथमिकता दी जाएगी। युवा उद्यमियों द्वारा कृषि-स्टार्टअप को प्रोत्साहित करने के लिए कृषि त्वरक कोष की स्थापना की जाएगीः वित्त मंत्री निर्मला सीतारमण pic.twitter.com/hh3rrJ7P5O

— ANI_HindiNews (@AHindinews) February 1, 2023

કૃષિ ક્ષેત્રમાં નવા સ્ટાર્ટઅપ શરૂ થશે
સરકારે બજેટમાં પશુપાલન, ડેરી અને મત્સ્યઉદ્યોગને ધ્યાનમાં રાખીને કૃષિ ધિરાણનો લક્ષ્યાંક વધારીને રૂ. 20 લાખ કરોડ કરવાનો નિર્ણય લીધો છે. તેનાથી દેશભરના કરોડો ખેડૂતોને ફાયદો થશે. સરકારના આ નિર્ણયથી કૃષિ ક્ષેત્રમાં નવા સ્ટાર્ટઅપ શરૂ થશે. 

पशुपालन, डेयरी और मत्स्य पालन पर ध्यान देते हुए कृषि ऋण लक्ष्य को बढ़ाकर 20 लाख करोड़ रुपये किया जाएगा,

6000 करोड़ रुपये के लक्षित निवेश के साथ पीएम मत्स्य संपदा योजना की एक नई उप-योजना शुरू की जाएगी।

- वित्त मंत्री @nsitharaman#AmritKaalBudget #Budget2023 pic.twitter.com/5llsFmuOI4

— पीआईबी हिंदी (@PIBHindi) February 1, 2023

કૃષિક્ષેત્રે શું જોગાવાઈ?
- કૃષિ સાથે જોડાયેલા સ્ટાર્ટઅપને આપવામાં આવશે પ્રાથમિકતા
- કૃષિ માટે ડિજિટલ ઈન્ફ્રાસ્ટ્રક્ચર બનાવવામાં આવશે
- યુવાઓ માટે કૃષિવર્ઘક ફંડ બનાવવામાં આવશે
- ખેડૂતોને મોટા અનાજનું ઉત્પાદન કરવા આપવામાં આવશે ટ્રેનિંગ
- કૃષિ લોન 20 લાખ કરોડ સુધી વધારવામાં આવી
- અગ્રીકલ્ચર એક્સેલેરેટર ફંડનુ ગઠન થશે
- સ્ટાર્ટઅપ માટે કૃષિફંડ બનશે
- બગીચાની યોજના યોજના માટે 2200 કરોડની ફાળવણી કરવામાં આવશે
- કપાસની ખેતીમાં PPP મોડલ અપનાવાશે
- ખેડૂતોને ડિજિટલ ટ્રેનિંગ અપાશે
- કિસાન સમ્માન નિધિ માટે 2.2 લાખ કરોડની ફાળવણી
- ઓર્ગેનિક ખેતી માટે PM પ્રણામ યોજનાની શરૂઆત
- બાયોમાસ માટે રાજકોષીય સહાય મળશે
- ખેડૂતો પ્રાકૃતિક ખેતી તરફ વળે તે માટે સહાયતા મળશે
- 10 હજાર બાયો ઈનપુટ રિસોર્સ કેન્દ્ર સ્થાપિત કરવામાં આવશે
- ગોબર ધન સ્કીમ અંતર્ગત 500 પ્લાન્ટ બનશે
- ગોબર ધન યોજના હેઠળ 10 હજાર કરોડનુ ખર્ચ કરાશે
- 1 કરોડ ખેડૂતોને પ્રાકૃતિક ખેતી માટે પોત્સાહિત કરાશે
- કીટનાશક માટે 10 હજાર બાયોઈનપુટ સેન્ટર બનાવાશે
-​ વૈકલ્પિક ખાતરો માટે નવી યોજનાઓ બનશે