ગૌરવની પળ / ભારતની દીકરીએ વધાર્યું ગૌરવ, વર્લ્ડ બોક્સિંગ ચેમ્પિયનશિપમાં જીત્યો ગોલ્ડ મેડલ

• ભારતીય મહિલા બૉક્સરે દેશને અપાવ્યું ગૌરવ 
• નિકહત ઝરીને વર્લ્ડ બૉક્સિંગ ચેમ્પિયનશિપમાં ગોલ્ડ મેડલ જીત્યો 
• થાઇલેન્ડની જુતામાસ જીતપોંગને હરાવી

ભારતીય બૉક્સર નિકહત ઝરીને વર્લ્ડ બૉક્સિંગ ચેમ્પિયનશિપમાં ગોલ્ડ મેડલ જીતીને દેશને ગૌરવ અપાવ્યું છે. 

નિકહત ઝરીને ઇસ્તાંબુલમાં વર્લ્ડ બોક્સિંગ ચેમ્પિયનશિપમાં ગોલ્ડ મેડલ જીતવા સાથે થાઇલેન્ડની જુતામાસ જીતપોંગને હરાવીને વધુ એક સિદ્ધિ હાંસલ કરી છે. અઆ સાથે ભારતીય બોક્સરે ટોક્યો 2020ના ક્વાર્ટર ફાઇનલિસ્ટને 5-0થી હરાવી હતી.

પાંચમી ભારતીય મહિલા બોક્સર

આ સાથે તે મેરી કોમ, સરિતા દેવી, જેની આરએલ અને લેખ કેસી પછી વર્લ્ડ ચેમ્પિયનશિપમાં ગોલ્ડ જીતનારી પાંચમી ભારતીય મહિલા બોક્સર બની હતી. 25 વર્ષની ઝરીન ભૂતપૂર્વ જુનિયર યુથ વર્લ્ડ ચેમ્પિયન છે. તેણે ફાઇનલમાં તેના થાઈ હરીફ સામે જોરદાર લડત આપી અને ગોલ્ડ મેડલ જીત્યો.

Hail the New World Champion.

Nikhat Zareen win's gold for India in the 52kg division at the Women's boxing world Championships.

Heartiest congratulations @nikhat_zareen Champ. Proud of your achievement.#NikhatZareen pic.twitter.com/7POvLI3GiA

— Raja Aridaman Singh (@rajaaaridamans) May 19, 2022

ભારતની નિખત ઝરીને તુર્કીના ઈસ્તાંબુલમાં મહિલા વર્લ્ડ ચેમ્પિયનશિપમાં 52 કિગ્રા વર્ગમાં ગોલ્ડ મેડલ જીત્યો છે. તેણે થાઈ બોક્સર કરતા ઘણા વધુ મુક્કા માર્યા. બીજો રાઉન્ડ અઘરો હતો અને જીતપોંગે 3-2થી જીત મેળવી હતી. નિખાતે અંતિમ રાઉન્ડમાં પ્રતિસ્પર્ધીની ખરાબ રીતે ધોલાઈ કરી અને નિર્ણય સર્વસંમતિથી (5-0) તેની તરફેણમાં આવ્યો. અગાઉ સેમિફાઇનલમાં ઝરીને બ્રાઝિલની કેરોલિન ડી અલ્મેડા સામે 5-0થી જીત મેળવી હતી.

અન્ય બે ભારતીય બોક્સર મનીષા (57 કિગ્રા) અને પરવીન (63 કિગ્રા) એ આ વર્ષે ઈવેન્ટમાં બ્રોન્ઝ મેડલ જીત્યા હતા. ઝરીનની જીત સાથે, ભારતે IBA વર્લ્ડ બોક્સિંગ ચેમ્પિયનશિપમાં એક સુવર્ણ અને બે કાંસ્ય ચંદ્રક (57 કિગ્રામાં મનીષા મૌન અને 63 કિગ્રામાં પરવીન હુડા) સાથે તેમનું મિશન પૂરું કર્યું હતું. આ ચેમ્પિયનશિપમાં ભારતનો આ પ્રથમ ગોલ્ડ મેડલ છે. 

ભૂતપૂર્વ જુનિયર વર્લ્ડ ચેમ્પિયન કે જેઓ બેંક ઓફ ઈન્ડિયામાં બેંકિંગ ઓફિસર તરીકે પણ કામ કરે છે, તેમણે એમસી મેરી કોમ, સરિતા દેવી, જેની આરએલ અને લેખા કેસી જેવા ભારતીય ખેલાડીઓના પગલે ઘરે ગોલ્ડ મેડલ લઈ આવવા માટે ખૂબ જ મહેનત દર્શાવી હતી. જે સફળ થઈ હતી. 

ONE FOR THE HISTORY BOOKS ✍️ 🤩

⚔️@nikhat_zareen continues her golden streak (from Nationals 2021) & becomes the only 5️⃣th 🇮🇳woman boxer to win🥇medal at World Championships🔥

Well done, world champion!🙇🏿‍♂️🥳@AjaySingh_SG#ibawwchs2022#IstanbulBoxing#PunchMeinHaiDum#Boxing pic.twitter.com/wjs1mSKGVX

— Boxing Federation (@BFI_official) May 19, 2022

ભારતીય બોક્સિંગ સેન્સેશન ઝરીનનો જન્મ તેલંગાણાના નિઝામાબાદમાં એક ઇસ્લામિક પરિવારમાં થયો હતો. તેણીએ જાહેર કર્યું કે બોક્સિંગ મહિલાઓ માટે યોગ્ય ન હોવાની વર્ષો જૂની માન્યતાને તેણે સહન કરવી પડી હતી અને તેને દૂર કરવી પડી હતી. આખરે તેણે તેના પરિવાર જ નહીં આખા દેશનું ગૌરવ વધાર્યું છે. અને ગોલ્ડ મેડલ મેળવ્યો છે. 

2019માં રશિયામાં યોજાયેલી ટૂર્નામેન્ટની અગાઉની આવૃત્તિમાં ભારતીય બોક્સરોએ એક સિલ્વર અને ત્રણ બ્રોન્ઝ મેડલ જીત્યા હતા. ભારતે અત્યાર સુધી 11 ટૂર્નામેન્ટમાં નવ ગોલ્ડ, આઠ સિલ્વર અને 19 બ્રોન્ઝ સહિત 36 મેડલ જીત્યા છે. આ મામલામાં માત્ર રશિયા (60 મેડલ) અને ચીન (50 મેડલ) ભારત કરતાં આગળ છે.