આ એપ થોડી જ સેકન્ડોમાં યુઝરના બંને પગનું સ્કેનિંગ કરીને 13 બિંદુઓનો ડેટા કલેક્ટ કરે છે અને મોડલ અનુસાર યોગ્ય માપ જણાવે છે. જૂતાંના આકારની પરફેક્ટ જાણકારી માટે ખૂબ જ જૂની રીતનો ઉપયોગ કરાય છે.
વોશિંગ્ટનઃ ફૂટવેર કંપની નાઇકીએ પોતાની ઓનલાઇન એપને નવા ઓગમેન્ટેડ રિયાલિટી ટૂલ સાથે અપડેટ કરી લીધી છે. હવેે એપની મદદથી યુઝર એપમાં પસંદ કરાયેલાં જૂતાં અનુસાર પોતાના પગનું પરફેક્ટ માપ લઇ શકશે. આ એપ થોડી જ સેકન્ડોમાં યુઝરના બંને પગનું સ્કેનિંગ કરીને 13 બિંદુઓનો ડેટા કલેક્ટ કરે છે અને મોડલ અનુસાર યોગ્ય માપ જણાવે છે. જૂતાંના આકારની પરફેક્ટ જાણકારી માટે ખૂબ જ જૂની રીતનો ઉપયોગ કરાય છે.
નાઇકીએ જણાવ્યું કે ખાસ કરીને પગની સાઇઝ જાણવા માટે ફૂટ રૂરલનો ઉપયોગ કરાય છે, જેમાં રૂરલ સેલ લાગેલ હોય છે, પરંતુ જો તમારા પગનું સ્પષ્ટ માપ લેવાની વાત કરવામાં આવે તો તે અલગ અલગ મોડલનાં જૂતાંનું યોગ્ય માપ આપી શકતું નથી. નાઇકીએ જણાવ્યું કે અમે આ ટૂલ બનાવવામાં કોમ્બિનેશન ઓફ કમ્પ્યૂટર વિઝન, ડેટા સાયન્સ, મશીન લર્નિંગ, આર્ટિફિશિયલ ઇન્ટેલિજન્સ અને ઘણા અલ્ગોરિધમનો ઉપયોગ કર્યો છે.
આ ટેકનિક બંને પગનાં માપ બારીકાઇથી લે છે, જેમાં બે મિલિમીટર સુધીની સાઇઝ, શેપ અને વોલ્યુમ સામેલ છે. ત્યારબાદ લેવાયેલા માપને સોફ્ટવેરમાં પહેલાંથી સેવ થયેલા જૂતાંના માપ સાથે કમ્પેર કરાય છે. આ ટૂલનો ઉપયોગ કરવા માટે યુઝરે નાઇકી એપ પોતાના સ્માર્ટફોનમાં ઇન્સ્ટોલ કરવી પડશે. ત્યારબાદ શૂ ટુ બાય ઓપ્શન સિલેક્ટ કરવું પડશે અને ત્યારબાદ ન્યુમેરિકલ સાઇઝનો ઓપ્શન સિલેક્ટ ન કરીને સ્કેનિંગ ફીટનું ઓપ્શન સિલેક્ટ કરવું પડશે. ૧પ સેકન્ડમાં પગનું સ્કેનિંગ થઇને યુઝરનું યોગ્ય માપ મળી જાય છે.