દેશી ગર્લ પ્રિયંકા ચોપડા અને નિક જોનાસે ભારત આવીને હોળી સેલિબ્રેટ કરી હતી. હવે ધામધૂમથી હોળી સેલિબ્રેટ કર્યા બાદ આ કપલ યૂએસ જતું રહ્યું, પરંતુ નિકને આ હોળી સેલિબ્રેશન હમેશાં યાદ રહેશે. હકીકતમાં ભારતમાં નિક જોનસની આ પહેલી હોળી હતી. નિકે એકદમ દેશી અંદાજમાં હોળી રમી અને ધૂમ મચાવી હતી.
નિક જોનાસ અને પ્રિયંકા ચોપડાની હોળી સેલિબ્રેશનની તસવીરો અને વીડિયો સોશિયલ મીડિયા પર ખૂબ વાયરલ થઈ રહ્યાં છે. હોળીના દિવસે પ્રિયંકા અને નિક પુણેના ફાર્મહાઉસ પર ગયા હતા. અહીં કપલે બાળકો સાથે ખૂબ હોળી રમી અને રંગ લગાવ્યો. વાયરલ વીડિયોમાં બાળકો નિક અને પ્રિયંકા પર રંગોવાળું પાણી ફેંકે છે. આ સમયે નિકે ખૂબ જ એન્જોય કર્યું.
પ્રિયંકા ચોપડાએ નિકની સાથે હોળી સેલિબ્રેશનની તસવીરો શેર કરી અને લખ્યું, છેલ્લા ઘણાં દિવસોથી અમે રંગોની વચ્ચે જ રહી રહ્યાં છીએ. નિકની પહેલી હોળી ઘરે સેલિબ્રેટ કરવી એ બહુ જ સ્પેશિયલ હતું. હેપ્પી એન્ડ સેફ હોળી.
તમને જણાવી દઈએ કે, સૌથી પહેલાં નિક અને પ્રિયંકા ઈશા અંબાણીની હોળી પાર્ટીમાં પહોંચ્યા હતા. ત્યાં કપલે બોલિવૂટના અન્ય સેલેબ્સ સાથે ખૂબ મસ્તી કરી હતી. સોશિયલ મીડિયા પર નિક અને પ્રિયંકાની હોળી સેલિબ્રેશનની તસવીરોની ઘણી ચર્ચા પણ થઈ હતી. હોળીની પાર્ટીમાં એક મજેદાર ઘટના પણ બની, જેમાં કોરોનાને કારણે જ્યાં પ્રિયંકા એક શખ્સથી હેન્ડશેક કરતાં ડરે છે ત્યાં નિક એ જ શખ્સ સાથે હેન્ડશેક કરે છે.