આકાશમાંથી અગનજ્વાળા વરસી...

રાજ્યમાં ગરમીનો પ્રકોપ યથાવત રહ્યો છે. રાજ્યમાં આજે સરેરાશ 40 ડિગ્રીથી વધુ તાપમાન રહ્યું છે. રાજ્યમાં સૌથી વધુ ગરમી સાબરકાંઠા અને દાહોદમાં 44 ડિગ્રી નોંધાઈ છે. અમરેલી શહેરમાં 43 ડીગ્રી  તો  નવસારીમાં 42 ડિગ્રી તાપમાન નોંધાયું છે.  અમદાવાદમાં 43 વડોદરામાં 42 સુરતમાં 36 અને રાજકોટમાં 40 ડિગ્રી તાપમાન નોંધાયું છે. જામનગરમાં 39 પોરબંદરમાં 34 જુનાગઢમાં 41 ભુજમાં 42 ભાવનગરમાં 43 વલસાડમાં 42 પંચમહાલમાં 44 તાપમાન નોંધાયું છે. તો પાટણમાં 43 મહેસાણામાં 43 સુરેદ્રનગરમાં 43 કચ્છમાં 44 આણંદમાં 44 ડાંગમાં 41 અને રાજપીપળામાં 44 ડિગ્રી તાપમાન નોંધાયું છે. હવામાન વિભાગની આગાહી મુજબ કાળઝાળ ગરમીનું પ્રમાણ યથાવત રહેશે. તો અસહ્ય ગરમીને કારણે બપોરે રસ્તાઓ સુમસામ ભાસી રહ્યા છે. સાબરકાંઠા જિલ્લાના મોડાસામાં પણ 42 ડિગ્રી ગરમી નોંધાઈ છે. હાલમાં લગ્નની મોસમ ચાલી રહી છે. અને તેવા સમયે કાળઝાળ ગરમીથી લોકો ત્રાહીમામ પોકારી ઉઠયા છે.