BSNLએ શરૂ કરી સેટેલાઈટ ફોન સર્વિસ એરોપ્લેનથી લઈને બેસમેન્ટ સુધી નહીં રહે નેટવ

સાર્વજાનિક ક્ષેત્રની ટેલીકોમ કંપની ભારત સંચાર નિગમ લિમિટેડ (BSNL)એ બુધવારે ઇનમારસેટ (INMARSAT) દ્વારા સેટેલાઈટ ફોન સર્વિસની શરૂઆત કરી છે. શરૂઆતમાં આ સર્વિસ માત્ર સરકારી એજન્સીઓને ઉપલબ્ધ કરાવવામાં આવશે અને બાદમાં તબક્કાવાર તેને સામાન્ય નાગરિકો માટે રજૂ કરવામાં આવશે.  

આ સેવા એવા વિસ્તારને પણ કવર કરશે જ્યાં કોઈ નેટવર્ક નથી. આ સર્વિસ આંતરરાષ્ટ્રીય મોબાઇલ સેટેલાઈન ઓર્ગેનાઈઝેશન  દ્વારા ઉપલબ્ધ કરાવવામાં આવશે જેની પાસે 14 સેટેલાઈટ છે. આ સેવાને શરૂ કરવા પર ટેલીકોમ પ્રધાન મનોજ સિન્હાએ કહ્યું કે પ્રથમ તબક્કામાં રાજ્ય પોલીસ બીએસએફ અને અન્ય સરકારી વિભાગોને આ ફોન આપવામાં આવશે.