જામનગરના વેપારી અસફાક ખતરીની હત્યા કરવા આવતા ચાર શાર્પશૂટરોની ધરપકડ થયા બાદ. મુંબઈ તપાસ માટે ગયેલી રાજકોટ ક્રાઇમ બ્રાન્ચની ટીમે રામદાસ ની ગર્લફ્રેન્ડ અને અન્ય એક મહિલા સહીત છ શખસોની પોલીસે ધરપકડ કરી છે.. અને તમામને રાજકોટ ક્રાઇમ બ્રાન્ચ મુંબઈથી લઇને રાજકોટ પહોંચી છે.
હવે આ મામલે આગામી સમયમાં વધુ નવા ખુલાસાઓ થાય તેવી શકયતા લાગી રહી છે. મુંબઇનાં જોગેશ્વરી વિસ્તારમાં રહેતી રીઝવાના શેખની પાસેથી પોલીસને એક પિસ્તલ અને ચાર જીવતા કાર્ટિસ મળી આવ્યા હતા. તો બીજી તરફ તિલકનગર વિસ્તારમાંથી રાજકોટ ક્રાઇમ બ્રાન્ચે રામદાસ રાહણેની પ્રેમીકા અશ્વિની નામની યુવતીની અટકાયત કરી હતી.
આ ઉપરાંત અન્ય ચાર સાગરીતો સચિન રાહુલ સતીશ અને વિનોદની પણ પોલીસે ધરપકડ કરી છે. રામદાસ રાહણેની સાથે હત્યામાં સંડોવાયેલા ચાર અન્ય શખ્સોની પણ શંકાનાં આધારે પોલીસે અટકાયત કરીને પુછપરછ કરી છે.
ઉલ્લેખનીય છે કે દાઉદ ઇબ્રાહિમના ભાઈ અનીશ ઇબ્રાહિમે ગુટખાનો ધંધો હડપ કરવા માટે જામનગરના વેપારી અસફાક ખતરી ની હત્યા માટેની સોપારી ચાર શાર્પશૂટરોને આપી હતી પરંતુ રાજકોટના કુવાડવા રોડ પરથી જ શાર્પશૂટરોને પોલીસે દબોચી લીધા હતા.