નિસાને ભારતમાં લોન્ચ કરી સુપર કાર GT-R 3 સેકન્ડથી પણ ઓછા સમયમાં 0થી 100ની સ્પીડ

સ્પોર્ટસ કાર બનાવતી કંપની નિસાને ગોડજિલા નામથી પ્રખ્યાત GT-Rને ભારતમાં લોન્ચ કરી છે. ભારતમાં આ કારની કિંમત 1.99 કરોડ રૂપિયા રાખવામાં આવી છે. આ કારને ભારતમાં સીધી જ આયાત કરીને વેચવામાં આવશે. કારના ડિઝાઈન ફિચર અને એન્જિન સાથે જોડાયેલી જાણકારી 

ભારતમાં આવનારી નિસાન GT-Rની ડિઝાઈનમાં સાધારણ ફેરફાર કરાયા છે. તેના આગળના ભાગમાં નવી "V-મોશન" ગ્રિલ આપેલી છે. સાઈડમાં નવા એલોય વ્હિલ લાગેલા છે. કારની આગળના અને પાછળના બમ્પર પણ નવા છે. 

નિસાન GT-Rના કેબિનમાં આઠ ઈંચનું મોટું ટચસ્ક્રીન ઈન્ફોટમેન્ટ સિસ્ટમ લાગેલું છે. જે એપલ કાર પ્લે અને એન્ડ્રોઈડ ઓટો સપોર્ટ કરે છે. તેના ડેશબોર્ડ પર વધારે બટન નહીં જોવા મળે. 

કારના ખાસ સ્પેસિફિકેશનની વાત કરીએ તો નિસાન GT-Rમાં 3.8 લીટર V6 24 વાલ્વ ટ્વિન ટર્બોચાર્જ્ડ એન્જિન લાગેલા છે. જે 570PS પાવર અને 637 NM ટોર્ક આપે છે. એન્જિન 6-સ્પીડ ડ્યુલ ક્લચ ઓટોમેટિક ગેયરબોક્સ સાથે જોડાયેલું છે. આ સુપર કાર 0થી 100ની સ્પીડ પકડવામાં 3 સેકન્ડથી પણ ઓછો સમય લે છે. આ મામલામાં તેનો મુકાબલો પોર્શ 911 ટર્બો S સાથે છે.