ન્યુ ઝિલેન્ડના નોર્થ ઈસ્ટર્ન સિટી ગિસ્બોર્નમાં ભૂકંપના આંચકા આવ્યા છે. રિએકટર સ્કેલ પર તીવ્રતા 7.1 માપવામાં આવી છે. અમેરિકી જિયોલોજિકલ સર્વે પ્રમાણે ભૂકંપનું કેદ્ર ન્યુઝિલેન્ડના ગિસ્બોર્નથી 105 માઈલમાં હતું અને તેની ઊંડાઈ જમીનથી 19.1 માઈલ નીચે હતી.
સુનામીના જોખમને જોતા ગિસ્બોર્નના કોસ્ટલ એરિયાને ખાલી કરાવવામાં આવ્યો છે. સાથે જ સુનામીની ચેતવણી આપવામાં આવી હતી. જોકે બાદમાં તે પાછી ખેંચી લેવામાં આવી હતી. અત્યાર સુધી કોઈ પ્રકારનું નુકશાન થયું હોવાની જાણકારી મળી નથી.