ભારતે ફરી એકવાર દુનિયામાં પોતાનો ડંકો વગાડ્યો છે. દુનિયામાં સૌથી અમિર દેશોની યાદીમાં હવે ભારતનો સમાવેશ થયો છે. કેનેડા ઓસ્ટ્રેલિયા અને ઇટલી જેવા દેશોને પછાડીને ભારતે ટોપટેન અમીર દેશોમાં સાતમું સ્થાન પ્રાપ્ત કર્યું છે. ભારતની કુલ વૈયસ્તિક સંપતિ 5 600 અરબ ડોલરની છે. જ્યારે યાદીમાં પ્રથમ સ્થાને અમેરિકા છે.
ન્યુ વર્લ્ડ વેલ્થની એક રિપોર્ટ મુજબ સૌથી અમિર દેશોની યાદીમાં ભારત સાતમા સ્થાને છે અને તે કેનેડા(4 700અરબ ડોલર) ઓસ્ટ્રેલિયા(4 500 અરબ ડોલર) અને ઇટલી (4 400 અરબ ડોલર)થી પહેલા આવે છે. આ ત્રણે દેશોનું યાદીમાં ક્રમશ આઠમો નવમો અને 10મો નંબર છે.
જ્યારે કુલ સંપતિ મામલે અમેરિકા દુનિયામાં પ્રથમ સ્થાને છે. અમેરિકામાં આ સંપતિ 48 900 અરબ ડોલર છે. જ્યારે બીજા સ્થાને ચીન અને ત્રીજા સ્થાને જાપાન છે. તેઓની ક્રમશ વૈયક્તિક સંપતિ 17 400 અરબ ડોલર અને 15 100 અરબ ડોલર છે.
અન્ય 10 દેશોની યાદીમાં બ્રિટેન ચોથા સ્થાને છે. જેની વૈયક્તિક સંપતી 9 200 અરબ ડોલર છે. જ્યારે પાંચમા સ્થાને જર્મની જેની વૈયક્તિક સંપતી 9 100 અરબ ડોલર છે. જ્યારે છઠ્ઠા નંબરે ફ્રાંસ આવે છે. જેની વૈયક્તિક સંપતિ 6 600 અરબ ડોલર છે. દુનિયાના 10 ધનિક દેશોમાં ભારતનું સ્થાન વ્યાપક રીતે તેની આબાદીને કારણે છે. ઓસ્ટ્રેલિયાનું યાદીમાં સ્થાન આ દ્રષ્ટિથી મહત્વપુર્ણ થઇ જાય છે કે તેની આબાદી માત્ર 2.2કરોડ છે.