ખુલાસો / સલમાન ખાનને ઍરપોર્ટ પર રોકનાર CISF જવાન પર કાર્યવાહીના સમાચાર ખોટા, મળ્યું ઈમાનદારીનું ઈનામ

• CISFના જવાનને સજા મળવાની ખબર ખોટી
• ટ્વિટ કરીને CISFએ વાતને ગણાવી અફવા
• સલમાન ખાનને મુંબઇ ઍરપોર્ટ પર રોક્યો હતો

CISFનો જવાન હતો સોમનાથ મોહંતી
રિપોર્ટ અનુસાર મોહંતીએ પ્રોટોકોલનું ઉલ્લંઘન કર્યુ હતુ તેના કારણે તેનો મોબાઇલ જપ્ત થયો હતો. તેને મિડીયા સાથે વાતચીત ન કરવાની ચેતવણી આપવામાં આવી હતી પરંતુ આ વાત તદ્દન ખોટી છે. CISF તરફથી સ્પષ્ટ કરવામાં આવ્યું છે કે આવું કંઇ થયું જ નથી. 

A real gem of news. CISF jawan tells actor Salman Khan, who was trying to skip the line, to get the mandatory security check done at Mumbai airport pic.twitter.com/JK1lP1j2Sz

— Gems Of News (@GemsOfNews) August 21, 2021

CISFએ જતાવી આપત્તિ
CISFએ એક ન્યૂઝ પોર્ટલ સાથે વાત કરતાં જણાવ્યું કે, આ ટ્વિટમાં બતાવવામાં આવેલુ કન્ટેન્ટ ખોટુ છે. તેમાં કોઇ ફેક્ટ નથી. પ્રોફેશનલ એટીટ્યુડ રાખવા બદલ તેને ઇનામ આપવામાં આવ્યું છે. CISFના ટ્વિટર હેન્ડલથી આ વાત કહેવામાં આવી છે. 

સલમાનનું દેખાયું સ્ટારડમ
સલમાન ખાન જ્યારે ઍરપોર્ટ પહોંચ્યો ત્યારે પેપરાઝી અને ત્યાં રહેલા લોકોએ સ્ટારને ઘેરી લીધો હતો. જે બાદ સલમાન પોતાની સિક્યોરીટી સાથે અંદર જવા લાગ્યો હતો. વીડિયો જોઇને તમને એવું લાગશે કે CISFના અધિકારીને સલમાનના સ્ટારડમથી કોઇ ફરક પડ્યો નહોતો. તેણે સલમાનની સિક્યોરિટી ચેક વગર અંદર ન જવા દીધો. જે બાદ સલમાન ત્યાં ઉભો રહ્યો અને ચેકિંગ પત્યા બાદ અંદર ગયો હતો.

The contents of this tweet are incorrect & without factual basis. In fact, the officer concerned has been suitably rewarded for exemplary professionalism in the discharge of his duty. @PIBHomeAffairs

— CISF (@CISFHQrs) August 24, 2021

સોશ્યલ મિડીયા પર વાયરલ વીડિયો 
આ વીડિયો જોત જોતામાં વાયરલ થઇ ગયો હતો અને લોકો અધિકારીની ખુબ પ્રશંસા કરી રહ્યાં છે. એક યુઝરે લખ્યું કે, સારુ લાગ્યું જ્યારે અધિકારીએ અંદર જવાથી રોકી લીધો. અન્ય એક યુઝરે લખ્યું કે, CISFના યુનિફોર્મની તાકાત. 

ટાઇગર 3ની શૂટિંગ શરૂ 
તમને જણાવી દઇએ કે, ટાઇગર 3 સિરીઝની ત્રીજી ફિલ્મ છે. આ ફિલ્મમાં સલમાન અને કેટરીના પોતપોતાના દેશ માટે ગુપ્ત એજન્ટનું કામ કરી રહ્યાં છે. સિરીઝની પહેલી ફિલ્મ એક થા ટાઇગર હતી અને બીજી ફિલ્મ ટાઇગર ઝીંદા હે હતી. હવે લોકો ટાઇગર 3ની રાહ જોઇ રહ્યાં છે.