નિષ્ઠુરતા / સુરતમાં કચરાપેટીમાંથી પતંગની દોરીમાં વિંટળાયેલી હાલતમાં મળી આવી નવજાત બાળકી

• સુરતમાં માનવતા મરી પરવારી હોવાનો કિસ્સો
• કચરા પેટી માંથી મળી આવી તાજી જન્મેલી બાળકી
• પનાસ વિસ્તારમાં બિનવારસી બાળકી મળી આવી

આ ઘટના સુરતના પનાસ વિસ્તારની છે. જ્યારે એક 15 વર્ષની કિશોરી કચરો ફેંકવા ગઇ હતી ત્યારે ડસ્ટબીનમાંથી નવજાત બાળકી મળી આવી હતી. આ તાજી જન્મેલી બાળકીને કિશોરી પોતાના દુપટ્ટામાં રાખીને ઘરે લાવી હતી. બાદમાં સ્થાનિકોએ એમ્બ્યુલન્સ અને પોલીસને જાણ કરી હતી. ત્યાર બાદ તેને તાત્કાલિક સિવિલ હોસ્પિટલ પહોંચાડવામાં આવી હતી. આ બાળકીને હાલ કાચની પેટીમાં રાખવામાં આવી છે.

સ્થાનિકના જણાવ્યા અનુસાર, આ બાળકી જે કચરા પેટીમાંથી મળી આવી તેમાં પતંગની દોરીઓનો કચરો પણ હતો. બાળકીના શરીર પર પતંગના દોરા વિંટળાયેલા હતા. બાળકીને ગળાના ભાગે ઇજરડા પણ પડી ગયા હતા. દોરીના કલરથી તેનું શરીર લાલ રંગનું થઇ ગયું હતું.

એક તરફ નિઃસંતાન લોકો સંતાન પ્રાપ્તિ માટે બાધાઓ રાખતા હોય છે, દવાઓ લેતા હોય છે. બીજી તરફ એક નિષ્ઠુર જનેતાએ પોતાની નવજાત બાળકીને મરવા તરછોડી દીધી હતી. પરંતુ બાળકીને નવજીવન મળ્યું છે.