ક્રિકેટની દુનિયામાં બેટ્સમેન અવનવા પ્રયોગ કરીને લોકપ્રિય બની જતા હોય છે. ન્યુઝીલેન્ડમાં પણ એક બેટ્સમેને આવો જ એક શૉટ મારી બધાને આશ્ચર્યમાં મૂકી દીધા. જેનો વિડીયો સોશિયલ મીડિયામાં વાઇરલ થઇ રહ્યો છે.
ઓટાગો ક્રિકેટે પોતાના ટ્વિટર હેન્ડલથી વિડીયો કર્યો
ન્યુઝીલેન્ડમાં હાલમાં ફોર્ડ ટ્રોફી રમાઈ રહી છે. જેમાં એક બેટ્સમેને આ શૉટ માર્યો. શુક્રવારે નીલ બ્રુમ નામક ક્રિકેટરે શતક ફટકારી હતી. પરંતુ આખી મેચમાં તેમનો સ્કૂપ શૉટ ચર્ચાનો વિષય બન્યો હતો. 36 વર્ષીય નીલ બ્રુમની સદી બાદ 50 ઓવર બાદ ઓટાગોએ આ મેચમાં 262 રન બનાવ્યા. વિપક્ષી ટીમ 260 રન પર જ ઓલ આઉટ કરી ઓટાગો આ મેચ 2 રનથી જીતી ગયી. જુઓ કઈ રીતે નીલ બ્રૂમે થોડીક છલાંગ લગાવી અને બોલને બાઉન્ડ્રીની બહાર મોકલી દીધો.
આવા શૉટમાં ખુબ જોખમ હોવાથી ખુબ ઓછા બેટ્સમેન તે રમી શકે
ફોર્ડ ટ્રોફીમાં એક મુકાબલામાં નીલ બ્રૂમે વેલિંગટન વિરુદ્ધ ઓટાગો માટે 112 રન બનાવ્યા. તેણે 127 બોલમાં સદી પુરી કરી જેમાં 13 બાઉન્ડ્રી ફટકારી હતી. તેમાંથી જ એક બાઉન્ડ્રી એટલે સ્કૂપ શૉટ. તે સમયે નીલ બ્રુમે દેડકાની માફક કૂદકો મારી બાઉન્ડ્રી લગાવી. આવા શૉટમાં ખુબ જોખમ હોવાથી ખુબ ઓછા બેટ્સમેન તે રમી શકે છે.
હૈમિશ બેનેટનાં બોલ પર બાઉન્ડ્રી લગાવી
નીલ બ્રૂમે જે બોલર વિરુદ્ધ આ શોટ માર્યો તે સામેની ટીમના કેપ્ટન હૈમિશ બેનેટ હતા. તે સ્લોઅર બોલ નાખવા માંગતા હતા પણ બાઉન્સના કારણે બોલ શોટ થઇ ગયો જેથી નીલને બાઉન્ડ્રી લગાવવાનો મોકો મળી ગયો. આ વિડીયો ઓટાગો ક્રિકેટે પોતાના ટ્વિટર હેન્ડલથી શેર કરતાં લખ્યું છે કે શું તમે ક્યારેય આવો શૉટ જોયો છે.