અમદાવાદમાં સ્વચ્છતા અભિયાન અંતર્ગત નવતર પ્રયોગ કરાયો છે. હવે સોસાયટી બહાર કચરો હશે તો રૂપિયા 10 હજાર સુધીનો દંડ ફટકારવામાં આવશે.
અમદાવાદને સ્વચ્છ રાખવા નવતર પ્રયોગ
સોસાયટી બહાર કચરો હશે તો થશે દંડ
રૂપિયા 10 હજાર સુધીનો થશે દંડ
અમદાવાદ શહેરની સ્વચ્છતા જળવાઇ રહે તે હેતુસર સિલ્વર ટ્રોલી તેમજ ન્યુસન્સ સ્પોટ નાબુદ કરવામાં આવ્યા છે. અમદાવાદ મ્યુનિસિપલ કોર્પોરેશન દ્વારા ડોર ટુ ડોર કચરો એકત્ર કરવામાં આવે છે. ત્યારે અમદાવાદને સ્વચ્છ રાખવા AMC દ્વારા નવતર પ્રયોગ કરાયો છે. અમદાવાદમાં સોસાયટી બહાર કચરો હશે તો રૂપિયા 10 હજાર સુધીનો દંડ થશે. અમદાવાદ મનપાએ આ માટે 30-30 સભ્યોની 100 ટીમ પણ બનાવી છે.
જાહેરમાં કચરો નાખનાર સામે પણ કરાશે કાર્યવાહી
આ ઉપરાંત શહેરમાં સાત ઝોનમાં અમદાવાદ મનપા દ્વારા સ્વચ્છતા અભિયાન અંતર્ગત સઘન ચેકિંગ હાથ ધરાઇ રહ્યું છે. હવે એએમસી દ્વારા રાત્રી દરમિયાન એસ્ટેટ વિભાગ અને ફલાઇંગ સ્કવોર્ડની ટીમ બનાવી ચેકિંગ હાથ ધરાઇ રહ્યું છે. જાહેર રસ્તા પર કચરો નાખનાર એકમ સામે દંડનાત્મક કાર્યવાહી અને એકમ સીલ કરવા સુધીની કાર્યવાહી કરવામાં આવી રહી છે
જાહેરમાં કચરો ફેંકતા વ્યક્તિનું એક્ટિવા જપ્ત!
આપને જણાવી દઈએ કે, ગત સોમવારે રાત્રે એક એક્ટીવા ચાલકને ફ્લાઈંગ સ્કવોર્ડે ઝડપી પાડ્યો હતો. જાહેર રસ્તા પર કચરો ફેંકી ગંદકી ફેલાવવાના ગુના બદલ એક્ટીવા જપ્ત કરીને આગળની કાર્યવાહી હાથ ધરી હતી.